సమాజంలో స్వార్థపరులు ఎక్కువయ్యారు అని చెప్పాలి.. ఇక కష్టాల్లో ఉన్న వాళ్ళకి సహాయం చేయడానికి కూడా కనీసం ఎవరు ఆలోచించడం లేదు.. ఇక దీన్ని బట్టి చూస్తే మానవత్వం చచ్చిపోతుందని ఈమధ్య కాలంలో చోటు చేసుకున్న పలు సంఘటన ద్వారా అర్థమవుతుంది. ఇకపోతే కొంతమంది దానం చేసినా.. తమ సంపాదనలో చాలా తక్కువ భాగం మాత్రమే ఇతరులకు దానం చేయడానికి ఇష్టపడతారు. అయితే ఒక నటి మాత్రం తన యావదాస్తిని గుళ్ళకు, స్వచ్ఛంద సంస్థలకు ఉచితంగా ఇచ్చేసింది. ఇక స్టార్ హీరోయిన్ గా ఒక వెలుగు వెలిగి క్యారెక్టర్ ఆర్టిస్ట్ గా కూడా గుర్తింపు సొంతం చేసుకున్న కాంచనకు ప్రేక్షకులలో విపరీతమైన ఫ్యాన్ ఫాలోయింగ్ ఉంది. అంతే కాదు ఆమె తన నటనతో ఎంతో మంది అభిమానులను సైతం మెప్పించింది.
ప్రకాశం జిల్లాకు చెందిన కాంచన అసలు పేరు వసుంధర దేవి .. సంపన్న కుటుంబంలో జన్మించారు. ఎయిర్ హోస్టేస్ గా తన కెరీర్ ను మొదలుపెట్టిన ఈమె ఊహించని విధంగా సినిమాల్లోకి అడుగు పెట్టింది. ప్రేమించి చూడు సినిమాతో హీరోయిన్ గా అవతారం ఎత్తిన కాంచన.. వీరాభిమన్యు, ఆత్మగౌరవం , అవేకళ్ళు వంటి సినిమాల ద్వారా నటిగా ప్రశంసలు అందుకుంది. ఇక ఆగస్టు 16వ తేదీన జన్మించిన కాంచన గురించి కొన్ని విషయాలు బాగా వైరల్ అవుతున్నాయి. తెలుగు, హిందీ, కన్నడ, తమిళ్, మలయాళం భాషల్లో సాంఘిక, జానపద, పౌరాణిక చిత్రాల్లో నటించి మెప్పించిన కాంచన తన ఆస్తిని మొత్తం విరాళంగా ఇచ్చినట్లు సమాచారం. ఇక నేటితరం యువతకు ఈమె గురించి చెప్పాలి అంటే అర్జున్ రెడ్డి సినిమాలో కాంచన హీరో నానమ్మగా నటించారు. ఇక అక్కడే తన నటన ఏంటో ప్రతి ఒక్కరికి అర్థం అయింది.
ఇకపోతే కాంచన తన ఆస్తిని మొత్తం స్వచ్ఛంద సంస్థలకు , గుళ్లకు విరాళంగా ఇచ్చిందని తెలియడంతో ప్రతి ఒక్కరు కూడా ఈయనపై ప్రశంసలు కురిపిస్తున్నారు. అంతేకాదు కాంచన ఆరోగ్యంగా జీవించాలి అని ఆమె అభిమానులు కోరుతూ ఉండడం గమనార్హం.
