టాలీవుడ్ జనాలు ఎప్పుడెప్పుడా అని ఎదురు చూస్తున్న చిత్రాలలో ప్రభాస్ prabhas నటిస్తున్న రాధే శ్యామ్ కూడా ఉంటుంది. కోవిడ్ కారణంగా వాయిదా పడిన ఈ చిత్ర షూటింగ్ జూన్ 25 నుంచి తిరిగి మొదలైంది. ప్రస్తుతం ఈ మూవీ చివరి షెడ్యూల్ ను షూట్ చేస్తున్నారు. అలనాటి బాలీవుడ్ ముద్దుగుమ్మ భాగ్యశ్రీ ఈ మూవీలో కీ రోల్ పోషిస్తుంది. హిందీలో మైనే ప్యార్ కియా వంటి ఎన్నో హిట్ చిత్రాలలో నటించింది భాగ్యశ్రీ. తాజాగా రాధే శ్యాం సెట్ లో అడుగు పెట్టిన భాగ్య శ్రీకి స్వీట్లు బహుమతిగా ఇచ్చి… సర్ ప్రైజ్ చేశాడు ప్రభాస్. ఇందుకు ఉబ్బిపోయిన భాగ్యశ్రీ ప్రభాస్ కు సోషల్ మీడియా వేదిక ట్విటర్ ద్వారా ధన్యవాదాలు తెలిపింది.. రాధా కృష్ణ కుమార్ దర్శకత్వంలో తెరకెక్కుతున్న ఈ ప్రేమ కావ్యం త్వరలోనే ప్రేక్షకుల ముందుకు రానుంది.
అందాల భామ భాగ్యశ్రీ మూవీలో తన పార్ట్ షూటింగ్ కంప్లీట్ చేయడం కోసం హైదరాబాద్ లో అడుగు పెట్టింది. షూటింగ్ లొకేషన్ లోకి ఎంట్రీ ఇచ్చిన భాగ్యశ్రీకి ప్రభాస్ అందించిన గిఫ్ట్ అదిరిపోయిందట. దానికి సంబంధించిన ఫొటోలను ఈ సీనియర్ హీరోయిన్ ట్విట్టర్ లో పంచుకుంది. తనకు మరిచిపోలేని గిఫ్ట్ అందించినందుకు రెబల్ స్టార్ కు ధన్యవాదాలు తెలిపింది. ఆనందంలో మునిగి తేలుతూ… ట్విటర్ లో ఇలా రాసుకొచ్చింది. రుచికరమైన హైదరాబాద్ స్వీట్లు అందజేసినందుకు డార్లింగ్ ప్రభాస్ ను అభినందించింది ఈ ముద్దు గుమ్మ.
మరో పోస్ట్ లో భాగ్యశ్రీ తన అభిమానుల కోసం రాధే శ్యామ్ సెట్స్ లో తీసిన ఫొటోను పోస్ట్ చేసింది. ఈ ఫొటోలో భాగ్యశ్రీ చీర కట్టులో మెరిసిపోతున్నారు. ఆ ఫొటోను పోస్ట్ చేస్తూ… షూటింగ్ షురూ కరే అంటూ ఈ నటి రాసుకొచ్చింది. రాధా కృష్ణ కుమార్ దర్శకత్వం వహించిన రాధే శ్యామ్ లో అందాల బుట్టబొమ్మ పూజా హెగ్డే ప్రభాస్ సరసన నటిస్తోంది. అందమైన ప్రేమ కావ్యంగా ఈ మూవీ తెరకెక్కుతోంది. తెలుస్తున్న దాని ప్రకారం సినిమా మొత్తం యూరప్ లోనే ఉంటుందట. అంతేకాకుండా ఈ చిత్రంలో కృష్ణం రాజు, సచిన్ ఖేడేకర్, ప్రియదర్శి, భాగ్యశ్రీ, మురళీ ధరమ్ మరియు సత్యన్ కీలక పాత్రల్లో నటిస్తున్నారు.
