టాలీవుడ్ స్టార్ డైరెక్టర్ వంశీ పైడిపల్లి- కోలీవుడ్ స్టార్ హీరో తలపతి విజయ్ కాంబోలో తెరకెక్కుతున్న చిత్రం ‘‘తలపతి66’’. ప్రజెంట్ తెలంగాణలోని హైదరాబాద్ లో షూటింగ్ జరుగుతోంది. ‘బీస్ట్’ తర్వాత విజయ్ ఈ సినిమా చేస్తున్నారు.
ఈ చిత్ర స్టోరి గురించి చాలా కాన్ఫిడెంట్ గా ఉన్నట్లు చెప్తున్నారు మేకర్స్. అయితే, ఈ సినిమా తెలుగు దర్శకుడు, నిర్మాత దిల్ రాజు చేస్తున్నందున చాలా మంది తెలుగులో ప్రాధాన్యత ఉంటుందనుకుంటున్నారు. కానీ, తమిళ్ సినిమాగానే తెరకెక్కి తెలుగులోకి డబ్ అవుతుందని స్పష్టతనిచ్చారు మేకర్స్.
ఈ చిత్రానికి మ్యూజిక్ డైరెక్టర్ గా పని చేస్తు్న్న యంగ్ అండ్ సెన్సేషనల్ మ్యూజిక్ డైరెక్టర్ థమన్ ఈ సినిమా గురించి ఆసక్తికర కామెంట్స్ చేశారు. విజయ్ తో పని చేయాలని తను చాలా కాలం నుంచి అనుకున్నానని, లక్కీగా ‘తలపతి 66’ కి కుదిరిందని చెప్పుకొచ్చారు.
ఈ పిక్చర్ లో 6 సాంగ్స్ తో పాటు ఒక బీట్ సాంగ్ ఉంటుందని తెలిపారు. అభిమానిగా విజయ్ కి చక్కటి పాటలు ఇస్తానని అన్నారు. భారీ తారగణంతో హైదరాబాద్ లో సినిమా చిత్రీకరణ జరుగుతుండగా ఇటీవల తాను వెళ్లి చూశానని వివరించారు థమన్. ఈ సినిమా ఫ్యామిలీ ఎంటర్ టైనర్ గా వచ్చే ఏడాది సంక్రాంతి కానుకగా విడుదల కానుంది. ఇక విజయ్ సాంగ్స్ లో తన ఫేవరెట్.. ‘వాతి కమింగ్, అరబిక్ కుతు’ అని తెలిపారు థమన్.
Fanboy @MusicThaman ~ @Actorvijay 66 pic.twitter.com/bUJ1biM7yb
— #Thalapathy66 (@Vijay66FilmOffI) May 11, 2022
