ఆర్.ఆర్.ఆర్ ఓపెనింగ్.. క్లాప్ కొట్టిన చిరంజీవి.. ప్రభాస్, రానా సర్ ప్రైజ్

రాజమౌళి డైరక్షన్ లో ఎన్.టి.ఆర్, చరణ్ కలిసి చేస్తున్న మల్టీస్టారర్ మూవీ ట్రిపుల్ ఆర్ ప్రాజెక్ట్ ఈరోజు ముహుర్త కార్యక్రమాలు పూర్తి చేసుకుంది. బాహుబలి తర్వాత రాజమౌళి చేస్తున్న సినిమాగా ఈ ప్రాజెక్ట్ నేషనల్ వైడ్ గా క్రేజ్ తెచ్చుకుంది. చిరంజీవి ముఖ్య అతిథిగా వచ్చి క్లాప్ కొట్టి షూటింగ్ మొదలు పెట్టారు. రాఘవేంద్ర రావు కూడా ఈ కార్యక్రమంలో పాల్గొనడం జరిగింది.

కార్యక్రమంలో భాగంగా సినిమాలో నటిస్తున్న ఎన్.టి.ఆర్, చరణ్ అటెండ్ అవగా.. ప్రభాస్, రానాలు కూడా ఈ సినిమా ముహుర్త కార్యక్రమానికి అటెండ్ అవడం జరిగింది. డివివి ఎంటర్టైన్మెంట్స్ బ్యానర్ లో 300 కోట్ల భారీ బడ్జెట్ తో ఈ సినిమాను దానయ్య నిర్మిస్తున్నారు. పిరియాడికల్ డ్రామాగా వస్తున్న ఈ ట్రిపుల్ ఆర్ రామ రావణ రాజ్యం అనే టైటిల్ పెట్టనున్నారని తెలుస్తుంది.

అట్టహాసంగా మొదలైన ఈ సినిమా మొదటి షెడ్యూల్ లోనే ఇంటర్వల్ సీన్ షూట్ చేస్తారట. సినిమాలో హీరోయిన్స్ విషయంలో ఇంకా చిత్రయూనిట్ క్లారిటీ ఇవ్వలేదు. బాలీవుడ్ ముద్దుగుమ్మలు ఈ సినిమాలో నటించే అవకాశం ఉన్నట్టు తెలుస్తుంది.