వివాదస్పద దర్శకుడు రామ్ గోపాల్ వర్మ మరో సారి సంచలన వ్యాఖ్యలు చేశారు. ఈసారి ఆర్జీవీ కన్ను ట్రిపుల్ ఆర్ సినిమాపై పడింది. ప్రపంచ వ్యాప్తంగా ట్రిపుల్ ఆర్ వసూళ్లను కొల్లగొడుతోంది. విడుదలైన 16 రోజుల్లోనే రూ. 1000 కోట్ల గ్రాస్ ను వసూలు చేసింది. దర్శకుడు రాజమౌళితో పాటు హీరోలు రామ్ చరణ్, జూనియర్ ఎన్టీఆర్ నటకకు ఫిదా అవుతున్నారు జనాలు. ఇదిలా ఉంటే చిన్ని చిత్రంగా విడుదలైన ‘ దికాశ్మీర్ ఫైల్స్’ సినిమా భారీ విజయాన్ని అందుకుంది. వివేక్ అగ్నిహోత్రి దర్శకత్వంలో వచ్చిన ఈ సినిమాకు ఏకంగా పలు రాష్ట్రాల ప్రభుత్వాలు ఈ సినిమాకు టాక్స్ ఫ్రీని ప్రకటించాయి. ఈ సినిమా కేంద్రంగా పలు రాజకీయ విమర్శలు కూడా సాగాయి. బీజేపీ పార్టీ, ఏకంగా ప్రధాని నరేంద్రమోదీ, హోంమంత్రి అమిత్ షాలు కాశ్మీర్ ఫైల్స్ సినిమాను పొగిడారు. 
తాజాగా ఈ రెండు సినిమాలపై కామెంట్ చేశారు రామ్ గోపాల్ వర్మ. ‘ట్రిపుల్ ఆర్’ తో పోలిస్తే ‘ దికాశ్మీర్ ఫైల్స్‘ సినిమానే గ్రేట్ అంటూ కితాబిచ్చాడు. కేవలం రూ. 10 కోట్ల బడ్జెట్ తో రూపొందిన ‘ దికాశ్మీర్ ఫైల్స్’ విజయమే నిజమైన గేమ్ ఛేంజర్ అని అభిప్రాయపడ్డాడు. ట్రిపుల్ ఆర్ భారీ బడ్జెట్ తో నిర్మించారని అన్నారు. ది కాశ్మీర్ ఫైల్స్ వంటి సినిమాలు ప్రొడ్యూసర్లకు విశ్వాసాన్ని ఇస్తాయని చెప్పాడు.
