స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ కాంబినేషన్ లో మూడవ చిత్రం `అల వైకుంటపురములో` .. హారిక హాసిని క్రియేషన్స్, గీతా ఆర్ట్స్ సంయుక్తంగా ఈ సినిమాని నిర్మిస్తున్నాయి. పూజా హేగ్దే హీరోయిన్ గా నటిస్తుండగా నవదీప్,సుశాంత్ ప్రధాన పాత్రల్లో నటిస్తున్నారు. ఇక ఈ చిత్రంలో మొదటిపాట ‘సామజవరగమన’ విడుదల అయిన విషయం తెలిసిందే. ప్రముఖ గేయ రచయిత సిరివెన్నెల సీతారామశాస్త్రి గారు రచించిన ఈ గీతానికి తమన్ స్వరాలు సమ్మోహన పరుస్తున్నాయి.
గాయకుడు సిద్ శ్రీరామ్ పాడిన ఈ పాట ప్రస్తుతం విశేష ఆదరణకు నోచుకుంటోంది. ప్రస్తుతం ఈ పాట యుట్యూబ్ లో దుమ్ములేపుతుంది. ఇప్పటివరకు ఈ పాటని నాలుగు కోట్ల మంది విక్షించాగా ఏడూ లక్షల మంది లైక్ కొట్టారు. తెలుగులో మొదటిసారి ఫస్ట్ సింగల్ కు ఇన్ని వ్యూస్, లైక్స్ రావడం హర్షించదగ్గ విషయం. అత్యదిక మంది లైక్ కొట్టిన తొలితెలుగు పాటగా ఇది రికార్డు సృష్టించింది.
