టాలీవుడ్ స్టార్ హీరోయిన్ సమంత ప్రస్తుతం ‘సిటాడెల్’ అనే యాక్షన్ వెబ్ సిరీస్లో నటిస్తోంది. ఈ సిరీస్ కోసం సామ్ చాలా కష్టమైన స్టంట్స్ కూడా చేస్తోంది. ఇటీవలే షూటింగ్లో భాగంగా రెండు చేతులకు గాయాలైన ఫోటోలను కూడా పోస్ట్ చేశారు. ఇప్పుడు మళ్లీ ఓ కొత్త ఫొటోనూ పోస్ట్ చేసి ‘ఇట్స్ టార్చర్ టైమ్’ అని రాసుకొచ్చింది.
ఐస్ బాత్ టబ్లో కూర్చున్న ఫొటోను పోస్ట్ చేసింది సామ్. యాక్షన్ సీన్స్లో నటిస్తున్నట్లు చెప్పిన సామ్.. టార్చర్లా ఉందని.. రికవరీ కోసం ఇలా ఐస్ బాత్ టబ్లో కూర్చొని ఉపశమనం పొందుతున్నట్లు చెప్పుకొచ్చింది. మరి ఇంత కష్టపడుతున్న సమంతకు ‘సిటాడెల్’ ఎలాంటి ఫలితాన్ని ఇస్తుందో చూడాలి. ఈ ఫొటో చూసి మొదట అభిమానులు ఆందోళనకు గురయ్యారు. సామ్కు ఏమైందంటూ తెగ బాధపడిపోయారు. అసలు సంగతి తెలిశాక ఊపిరి పీల్చుకున్నారు.
సిటాడెల్ ఇంటర్నేషనల్ వెబ్సిరీస్. ఇంగ్లీష్ వెర్షన్లో ప్రియాంక చోప్రా నటించగా.. ఇండియన్ వెర్షన్ లో సమంత నటిస్తోంది. ఇప్పటికే ప్రియాంక చోప్రా నటించిన సిరీస్ ఏప్రిల్ 28న రిలీజై.. అమెజాన్లో స్ట్రీమింగ్ అవుతోంది.
