టాలీవుడ్ సక్సెస్ ఫుల్ డైరెక్టర్ అనిల్ రావిపూడి దర్శకత్వంలో తెరకెక్కిన F3 ఫిల్మ్ ఈ నెల 27న విడుదల కానుంది. ఈ సినిమా ప్రమోషన్స్ లో మూవీ యూనిట్ సభ్యులు ఫుల్ బిజీగా పాల్గొంటున్నారు. కాగా, ఈ చిత్రాన్ని ప్రొడ్యూస్ చేసిన స్టార్ ప్రొడ్యూసర్ దిల్ రాజు చిత్రానికి సంబంధించిన ఓ బిగ సర్ ప్రైజ్ రివీల్ చేశారు.
పిక్చర్ లో పవర్ స్టార్ పవన్ కల్యాణ్ ఉన్నారని చెప్పారు. దాంతో అభిమానులు సంతోషం వ్యక్తం చేస్తున్నారు. గతంలో పవన్ కల్యాణ్-వెంకటేశ్ కలిసి ‘గోపాల గోపాల’ సినిమా చేశారని గుర్తు చేసుకుంటున్నారు. జనసేనాని ‘అజ్ఞాతవాసి’ ఫిల్మ్ లో విక్టరీ వెంకటేశ్ గెస్ట్ అప్పియరెన్స్ ఇచ్చారు.
ఈ క్రమంలోనే దిల్ రాజు ప్రమోషనల్ ఈవెంట్ లో మాట్లాడుతూ F3 సినిమాలో పవర్ స్టార్ పవన్ కల్యాణ్ మాత్రమే కాదు టాలీవుడ్ టాప్ స్టార్స్ అందరూ ఉంటారని, అందుకు అనుగుణంగా అనిల్ రావిపూడి చక్కటి సిచ్యువేషన్ క్రియేట్ చేశారని చెప్పుకొచ్చారు. దాంతో ఈ చిత్రంపైన అంచనాలు ఇంకా పెరిగిపోయాయి.
ఎఫ్ 2 ని మించిన వినోదాన్ని F3 డెఫినెట్ గా అందిస్తుందని మేకర్స్ ధీమా వ్యక్తం చేస్తున్నారు. ఇందులో విక్టరీ వెంకటేశ్, మెగా ప్రిన్స్ వరుణ్ తేజ్ హీరోలు కాగా, హీరోయిన్స్ గా తమన్నా భాటియా, మెహ్రీన్ పిర్జాదా కౌర్ నటించారు.
