నేటి నుంచి ఐనవోలు మల్లన్న జాతర ప్రారంభం

నేటి(గురువారం) నుంచి ఐనవోలు మల్లికార్జున స్వామి జాతర మొదలుకానుంది. నేడు ధ్వజారోహన కార్యక్రమం, 14న భోగి పర్వదినం, 15న మకర సంక్రాంతి రోజున వేలాదిగా భక్తులు తరలివచ్చి మొక్కులు చెల్లించుకుంటారు. ఉగాది వరకు జాతర కొనసాగడం ఈ ఆలయ ప్రత్యేకత. ఉమ్మడి వరంగల్‌ జిల్లాలో రెండో పెద్ద జాతరగా ప్రసిద్ధిగాంచిన ఐలోనిలో అధికారులు అందుకు తగినట్లు ఏర్పాట్లు చేశారు. హన్మకొండ, వరంగల్ నుంచి ఆర్టీసీ బస్సులు నడుస్తాయి.