తెలుగు ప్రేక్షకులకు ఏమాత్రం పరిచయం లేని బిగ్ బాస్ రియాలిటీ షోని తెలుగు వారికి అందించారు స్టార్ మా నిర్వాహకులు. వాయిస్ మాత్రమే వినిపించి కంటెస్టంట్స్ కు టాస్కులు ఇచ్చే బిగ్ బాస్ షోకి సంచలనాల దర్శకుడు రాం గోపాల్ వర్మ వస్తే ఎలా ఉంటుంది. అబ్బో ఆలోచనే భలే థ్రిల్ అనిపిస్తుంది కదా.. మీడియా ఇంటర్వ్యూలకే ఒకదానికి పది సమాధానాలతో చెప్పి కన్ ఫ్యూజ్ చేసే వర్మ బిగ్ బాస్ కు వెళ్తే మాత్రం అది నిజంగా సంచలనమే..
ఒకవేళ ఆర్జివి బిగ్ బాస్ హౌజ్ లో కంటెస్టంట్ గా వెళ్తే ఎవడో కనిపించని వాడు ఇచ్చే టాస్కులు నేనెందుకు చేయాలి. అతనికి దమ్ముంటే తన ముందుకు వచ్చి తనతో మాట్లాడి గెలవమని చెబుతాడు కూడా.. టైటిల్ విన్నర్ అవడం కాదు ఆయన తల తిక్క ప్రవర్తనకు కంటెస్టంట్స్ అంతా కలిసి ముందే ఆయన్ను విజేతగా ప్రకటించేస్తారు. తను చేసే ఏ పనైనా లాజికల్ గా చూసే ఆర్జివి కాంట్రవర్షియల్ స్టేట్మెంట్స్ ఇవ్వడంలో దిట్ట. బయట జరిగే ప్రతి విషయాన్ని తనకు పబ్లిసిటీ అయ్యేలా మార్చుకునే టాలెంట్ ఉన్న ఆర్జివి ఒకవేళ బిగ్ బాస్ షోకి వస్తే మాత్రం చాలా కష్టం.
వర్మను మోసేంత స్టామినా బిగ్ బాస్ కు ఉందా.. అయినా పొద్దున్నే లేచి తాను పోర్న్ వీడియోస్ చూస్తా అని చెప్పే వర్మ అంతమందిలో అంత కన్ జిస్టెడ్ గా ఉండగలుగుతాడా.. బిగ్ బాస్ హౌజ్ లో వర్మ ఒక్కరోజు ఉన్నా ఎక్కువే. నాకు ఎవరు బిగ్ బాస్ లేడు.. నాకు నేనే బిగ్ బాస్.. నాకు నేనే బిగ్గర్ బాస్ అనేస్తాడు. అయితే బిగ్ బాస్ లో వర్మ షోకి పబ్లిసిటీ మాట అటుంచితే ఆ షో పరువు తీసే కార్యక్రమం చేసినా చేస్తాడు. అందుకే అలాంటి వాళ్ల జోలికి అసలు వెళ్లరు.
