డెయిరీ సెంట‌ర్‌లో ప‌నిచేసే వ్య‌క్తి.. పాల‌తో స్నానం చేశాడు.. వైర‌ల్ వీడియో..!

పాల‌ను తాగ‌డం వల్ల మ‌న‌కు ఎన్నో ఆరోగ్య‌క‌ర ప్ర‌యోజ‌నాలు క‌లుగుతాయ‌న్న సంగ‌తి తెలిసిందే. పాల‌లో ఉండే కాల్షియం మ‌న ఎముక‌లను దృఢంగా మారుస్తుంది. పాల‌లో అనేక పోష‌కాలు ఉంటాయి క‌నుక అవి మ‌న‌కు సంపూర్ణ పోష‌ణ‌ను అందిస్తాయి. అయితే ఆ వ్య‌క్తి మాత్రం ఇంకో స్టెప్ ముందుకు వేసి ఏకంగా పాల‌తోనే స్నానం చేశాడు. అవును.. ట‌ర్కీలో ఈ సంఘ‌ట‌న జ‌రిగింది.

ట‌ర్కీలోని కోన్యా అనే ప్రాంతంలో ఉన్న ఓ డెయిరీ సెంట‌ర్‌లో ప‌నిచేసే ఉగుర్ టట్‌గుట్ అనే వ్య‌క్తి స‌ద‌రు ప‌రిశ్ర‌మ‌లో ట‌బ్‌ల‌లో నిల్వ ఉండే పాల‌తో స్నానం చేశాడు. ట‌బ్‌లో ప‌డుకుని మ‌రీ స్నానం చేశాడు. ఆ స‌మ‌యంలో అత‌ను వీడియో కూడా తీసుకున్నాడు. అయితే దాన్ని సోష‌ల్ మీడియాలో పోస్ట్ చేయ‌డంతో అది కాస్తా వైర‌ల్ గా మారింది. దీంతో అక్క‌డి ప్ర‌జ‌లు పెద్ద ఎత్తున ఆగ్ర‌హం వ్య‌క్తం చేశారు.

అయితే విష‌యం తెలియ‌డంతో పోలీసులు ఆ డెయిరీ సెంట‌ర్‌ను సీజ్ చేసి ఆ సెంట‌ర్ యాజ‌మాన్యంతోపాటు స‌ద‌రు వ‌ర్క‌ర్‌పై కేసు న‌మోదు చేశారు. అలాగే డెయిరీ సెంట‌ర్‌లో అత‌ను స్నానం చేసిన ట‌బ్ లు, వాడిన ఇత‌ర వ‌స్తువులు, సామ‌గ్రిని కూడా పోలీసులు స్వాధీనం చేసుకున్నారు. ఈ క్ర‌మంలో సంఘ‌ట‌న‌పై పూర్తి స్థాయి ద‌ర్యాప్తు జ‌రుపుతున్నామ‌ని ఆ దేశ వ్య‌వ‌సాయ‌, అట‌వీ మంత్రిత్వ శాఖ ఒక ప్ర‌క‌ట‌న‌లో తెలిపింది.