కేన్స్ ఫిలిం ఫెస్టివల్ – 2023 వేడుకలు చాలా గ్రాండ్గా ప్రారంభమయ్యాయి. ఈ ఏడాది కేన్స్కు పలువురు భారతీయ సెలబ్రిటీలు హాజరయ్యారు. డిఫరెంట్ ఔట్ఫిట్స్లో కేన్స్ కాన్వాస్పై ఇండియన్ గ్లామర్ చిత్రాన్ని తీర్చిదిద్దారు. తొలిసారిగా పలువురు బాలీవుడ్ భామలు కేన్స్ రెడ్ కార్పెట్‌పై దర్శనమిచ్చారు. అందాల భామ ఊర్వశీ రౌతేలా స్టన్నింగ్ లుక్స్‌తో అభిమానులను అలరించింది.
పింక్‌ ఔట్ఫిట్లో బార్బీడాల్లా మెరిసిపోయింది ఊర్వశి. ఔట్ఫిట్ ఎలాగూ అట్రాక్ట్ చేసింది. కానీ ఈ బ్యూటీ తన మెడలో ధరించిన మొసళ్ల నెక్లెస్ ప్రత్యేక ఆకర్షణగా నిలిచి అందరినీ ఆకట్టుకుంది. ఎప్పుడూ తన ప్రత్యేకతను చాటుకునే ఆ అందాల భామ ధరించిన నెక్లెస్‌లో ఉన్నది సాధారణ డిజైన్‌ కాదు. గతంలో మనం ఎన్నడూ చూడని ప్రత్యేక డిజైన్‌.
బంగారు మొసళ్లతో ఆ నెక్లెస్‌ను డిజైన్‌ చేశారు. రెండు మొసళ్లను మెడలో వేలాడేసుకున్నట్లుగా ఆ నెక్లెస్ ఉంది. ఆ నెక్లెస్‌కు మ్యాచింగ్‌ ఇయర్‌ రింగ్స్‌ను కూడా ఊర్వశి ధరించింది. ఈ ఫెస్టివల్‌కు సంబంధించిన తన ఫొటోలు, వీడియోలను ఊర్వశి తన ఇన్‌స్టాగ్రామ్‌లో పోస్టు చేసింది.
