మన ఆరోగ్యం ఎలా ఉందో..మన శరీరంలో పైకి కనిపించే అవయవాలే చెప్పేస్తాయి.. పాదాల నుంచి జుట్టు వరకూ ప్రతీదీ ఒక సంకేతాన్ని అందిస్తూనే ఉంటుంది. మనమే వాటిని గ్రహించాలి. చాలా మంది గోళ్లపై తెల్లటి మచ్చలు ఉంటాయి.. వీటి వల్ల ఎలాంటి నష్టం ఉండదు. చూడ్డానికి అదొక స్టైల్‌..! అందుకే ఎవరూ దీన్ని పట్టించుకోరు. కానీ వీటి వెనుక కొన్ని కారణాలు ఉన్నాయి. కొన్ని సమస్యలకు సంకేతాలు కూడా..! అవేంటో ఈరోజు తెలుసుకుందాం.
గోళ్లపై ఉండే తెల్లని మచ్చలు మీ శరీరం గురించి ఎన్నో విషయాలు చెబుతాయి. ఈ మచ్చలను ‘ల్యూకోనిచియా’ అంటారు. ఇలా రావడం సర్వసాధారణం. ఈ మచ్చలు అనేక కారణాల వల్ల సంభవించవచ్చు.
అలర్జీ: కొందరికి ఆహారం, మందులు, సౌందర్య సాధనాలు ఇలా దేనికైనా ఎలర్జీ ఉంటుంది. అందుకే, ఈ అలర్జీ వల్ల గోళ్లపై తెల్లటి మచ్చలు కనిపిస్తాయి.
ఫంగల్ ఇన్ఫెక్షన్: గోళ్లలో ఫంగల్ ఇన్ఫెక్షన్ కూడా తెల్లటి మచ్చలను కలిగిస్తుంది. ఈ ఇన్ఫెక్షన్ సాధారణంగా తడి వాతావరణంలో పనిచేసే లేదా తడి పాదాలు ఉన్న వ్యక్తులలో సంభవిస్తుంది.
వంశపారంపర్య కారణాలు: కొంతమందికి జన్యుపరమైన కారణాల వల్ల కూడా గోళ్లపై తెల్లటి మచ్చలు ఏర్పడవచ్చు.
గాయం: గోళ్లకు గాయం కావడం వల్ల కూడా తెల్లటి మచ్చలు కనిపిస్తాయి.
నెయిల్ పాలిష్: నెయిల్ పాలిష్ మరియు నెయిల్ రిమూవర్‌లో రసాయనాలు ఉంటాయి. అవి గోళ్లను దెబ్బతీసి తెల్లమచ్చలను కలిగిస్తాయి.
విషం: కొన్ని విషపూరిత పదార్థాలతో సంపర్కం వల్ల గోళ్లపై తెల్లటి మచ్చలు ఏర్పడతాయి.
మందులు: కొన్ని మందుల దుష్ప్రభావాలు గోళ్లపై తెల్లటి మచ్చలు ఏర్పడతాయి.
ఖనిజాల లోపం: శరీరంలో జింక్ మరియు కాల్షియం లోపం వల్ల గోళ్లపై తెల్లటి మచ్చలు ఏర్పడతాయి.
ఏమి చేయాలి:
- మీకు అలెర్జీ ఉందని మీరు అనుకుంటే, మీరు అలెర్జీ కారకాలకు దూరంగా ఉండాలి.
- మీకు ఫంగల్ ఇన్ఫెక్షన్ ఉందని మీరు అనుకుంటే, తప్పకుండా వైద్యుడిని సంప్రదించి మందులు తీసుకోండి.
- మీకు మినరల్స్ లోపిస్తున్నట్లు అనిపిస్తే, మీ ఆహారంలో జింక్ మరియు కాల్షియం అధికంగా ఉండే ఆహారాలను చేర్చుకోండి.
- గోళ్లకు దెబ్బ తగలడం వల్ల ఏదైనా అల్సర్ వస్తే వెంటనే చికిత్స చేయించుకోవడం మంచిది.
