మనకు ఉన్న అవయావాల్లో అన్నీ ముఖ్యమైనవే.. అన్ని శరీరభాగాలు కరెక్టుగా పనిచేస్తేనే మనిషి ఆరోగ్యంగా ఉంటాడు.. లేదంటే నిత్యం ఏదో ఒక సమస్యతో బాధపడాల్సి వస్తుంది. అయితే ఇక్కడ ఇంట్రస్టింగ్‌ విషయం ఏంటంటే.. గుండె, కిడ్నీలు, కాలేయం,లివర్‌ వీటి ఆరోగ్యం ఒక ఎత్తు అయితే.. బ్రెయిన్‌ ఆరోగ్యం ఇంకో ఎత్తు.. ఎందుకంటే..బ్రెయిన్‌ ఆరోగ్యంగా తెలివిగా ఉంటే కెరీర్‌ బాగుంటుంది. మన తెలివితేటలే మన భవిష్యత్తు. కొంతమంది ప్రతీదీ చాలా త్వరగా మర్చిపోతుంటారు. ఇలా జరిగితే ముఖ్యమైన పనులు మర్చిపోవచ్చు. దీని వల్ల చాలా ఇబ్బంది పడాల్సి వస్తుంది. మెదడు ఆరోగ్యం, జ్ఞాపకశక్తి మరియు మేధస్సు కోసం మనం చేయవలసిన కొన్ని విషయాలు ఉన్నాయి. అవి ఏమిటో చూద్దాం…!
ఫోన్ వాడకాన్ని పరిమితం చేయడం మెదడు ఆరోగ్యానికి చాలా ఉపయోగకరంగా ఉంటుంది.
శారీరకంగా చురుకుగా ఉండటం మెదడు ఆరోగ్యానికి మంచిది. దీని కోసం మీరు వ్యాయామం, నడక, జాగింగ్, డ్యాన్స్ మొదలైనవాటిని ఎంచుకోవచ్చు.
మెదడు ఆరోగ్యానికి ఆరోగ్యకరమైన ఆహారం కూడా ముఖ్యం. ఇందుకోసం ఒమేగా 3 ఫ్యాటీ యాసిడ్స్, యాంటీ ఆక్సిడెంట్లు, ఐరన్, ప్రొటీన్లు, విటమిన్లు అధికంగా ఉండే ఆహారాన్ని తినండి.
వీలైనంత వరకు జంక్ ఫుడ్‌కు దూరంగా ఉండాలి. అదేవిధంగా, చక్కెర వినియోగాన్ని పరిమితం చేయండి.
ధూమపానం, మద్యపానం వంటి అలవాట్లను వదిలివేయడం మంచిది.
ఒత్తిడిని తగ్గించుకోవడం మెదడు ఆరోగ్యానికి కూడా ఉపయోగపడుతుంది.
బాగా నిద్రపోండి. ఎందుకంటే నిద్ర లేకపోవడం మెదడుపై కూడా ప్రభావం చూపుతుంది. కాబట్టి రాత్రికి కనీసం ఏడెనిమిది గంటలు నిద్రపోండి.
మంచి విషయాలు ఆలోచించండి, మంచి స్నేహితులను చేసుకోండి. కుటుంబ సభ్యులతో ఆరోగ్యకరమైన సంబంధాలను కొనసాగించడం కూడా చాలా ముఖ్యం.
మెదడు మాములుగా అనవసరమైన వాటిని తొవ్వుకోని మరీ ఆలోచిస్తుంది. కాబట్టి మీరు వీలైనంత వరకూ మనసును, మెదడును ప్రశాంతంగా ఉంచుకోవాలి.
