కరోనా వ్యాప్తికి కారణమైన చైనాలో ఇప్పుడు మరో 8 కొత్త వైరస్లు బయటపడ్డాయి. హైనన్ ప్రావిన్స్లో ఎలుకల నుంచి సేకరించిన 700 శాంపిళ్లను పరీక్షించిన పరిశోధకులు వీటిని గుర్తించారు. వీటిలో రెండు వైరస్లు కరోనాకు మూలమైన సార్స్-కొవ్ -2 ఫ్యామిలీకి చెందినవని తెలిపారు. ఈ కొత్త వైరస్లు మనుషులకు వ్యాపించే అవకాశాలు ఎక్కువ ఉన్నాయన్నారు. ఈ వైరస్లపై మరింత పరిశోధన చేస్తున్నట్లు తెలిపారు. గబ్బిలాల్లోని వైరస్లపై అనేక పరిశోధనలు చేసిన ‘బ్యాట్ ఉమెన్’గా పేరు తెచ్చుకున్న శాస్త్రవేత్త డాక్టర్ షి జెంగ్లీ ఈ వివరాలను వైరోలాజికా సినికా జర్నర్ లో ప్రచురించారు. ఈ వైరస్ లు మానవులపై ఎలాంటి ప్రభావం చూపిస్తాయో తెలుసుకునేందుకు మరిన్ని పరిశోధనలు చేయాల్ని ఆమె పిలుపునిచ్చారు.
వైరోలాజికా సినికా అనే పత్రిక చైనీస్ సొసైటీ ఫర్ మైక్రోబయాలజీ(సీఎస్ఎం) యొక్క ప్రచురణ విభాగం. ఇది చైనా ప్రభుత్వం మినిస్ట్రీ ఆఫ్ సివిల్ ఎఫైర్స్ కింద పనిచేస్తుంది. కొత్త అధ్యయనంలో 201-2021 మధ్య హైనాన్ లో పట్టుకున్న ఎలుకల గొంతు నుంచి 682 నమూనాలను సేకరించారు. ఈ నమూనాలను ఎలుకల జాతులు, అవి ఉంటే ద్వీపాల ఆధారంగా వర్గీకరించారు. వీటిని పరీక్షిస్తే కొవ్-హెచ్ఎంయూ-1 అని పిలిచే ఒక కొత్త కరోనావైరస్‌తో సహా కొత్త నోవల్ వైరసెస్ వెలుగులోకి వచ్చాయి. వీటిలో కొన్ని మానవుడి ఆరోగ్యానికి ప్రమాదం కలిగించే అవకాశం కూడా ఉంది.
