అమ్ము, మట్టికుస్తీ, పొన్నియన్ సెల్వన్ వంటి సినిమాలతో టాలీవుడ్ ప్రేక్షకులకు పరిచయమైంది మలయాళ కుట్టి ఐశ్వర్య లక్ష్మి. ఈ బ్యూటీ అందంతో పాటు సినిమాల ఛాయిస్ చూసి తెలుగు ఆడియెన్స్ ఫిదా అయ్యారు. అందుకే ఈ భామ బ్యాక్ టు బ్యాక్ సినిమాలతో బిజీ అయింది. సోషల్ మీడియాలోనూ యాక్టివ్‌గా ఉండే ఐశ్వర్య రీసెంట్‌గా కోలీవుడ్ నటుడు అర్జున్ దాస్‌తో దిగిన సెల్ఫీని పోస్ట్ చేసింది. ఈ ఫొటో చూసిన నెటిజన్లు ఐశ్వర్య లక్ష్మి-అర్జున్ దాస్ ప్రేమలో ఉన్నారని, త్వరలోనే పెళ్లి కూడా చేసుకునేందుకు రెడీ అవుతున్నారంటూ జోరుగా చర్చించుకోవడం మొదలుపెట్టారు.
ఈ నేపథ్యంలో తన పోస్టుపై వస్తున్న వార్తలపై క్లారిటీ ఇచ్చింది ఐశ్వర్య లక్ష్మి. ‘హాయ్‌ నేను పెట్టిన పోస్ట్ ఇంతలా పేలుతుందని ఊహించలేకపోయా. మేమిద్దరం (అర్జున్‌దాస్‌-ఐశ్వర్యలక్ష్మి) కలుసుకున్నపుడు దిగిన సెల్ఫీని ఇలా పోస్ట్ చేయడం జరిగింది. మేం స్నేహితులం. నాకు నిన్నటి నుంచి మెసేజ్‌లు పంపుతున్న అర్జున్ దాస్ అభిమానులు ప్రశాంతంగా ఉండండి.. అర్జున్ దాస్ మీ అందరివాడు..’ అంటూ పుకార్లకు చెక్‌ పెట్టింది ఐశ్వర్య లక్ష్మి.
