ప్రస్తుతం టాలీవుడ్లో రీ రిలీజ్ల ట్రెండ్ నడుస్తోంది. మొన్నటిదాకా పవర్ స్టార్, మెగాస్టార్ వంటి స్టార్ హీరోల సినిమాలు మాత్రమే రీరిలీజ్ చేసేవాళ్లు. ఇప్పుడు హీరోల స్టార్డమ్తో సంబంధం లేకుండా ఒకప్పుడు సూపర్ హిట్ టాక్ సొంతం చేసుకున్న సినిమాలు.. థియేటర్లో విడుదలై అంతగా ప్రేక్షకులను ఆకట్టుకోలేకపోయి.. టీవీల్లో మాత్రం సూపర్ హిట్ టాక్ తెచ్చుకున్న సినిమాలను నిర్మాతలు మళ్లీ రీ రిలీజ్ చేస్తున్నారు.
అలా థియేటర్లో హిట్ బంపర్ హిట్ టాక్ తెచ్చుకుని.. ఆ తర్వాత టీవీలోనూ తన సత్తా చాటిన నేచురల్ స్టార్ నాని మూవీని రీ రిలీజ్ చేసేందుకు నిర్మాతలు ప్లాన్ చేస్తున్నారు. నాని కెరీర్లో సూపర్ హిట్ టాక్ తెచ్చుకున్న మూవీ ‘అలా మొదలైంది’.
నిత్యా మీనన్ ఈ సినిమాలో హీరోయిన్. ఈ మూవీతోనే నిత్య టాలీవుడ్కు పరిచయమైంది. ఈ సినిమాలో నాని, నిత్యల కెమిస్ట్రీకి అప్పట్లో ఫ్యాన్స్ ఫిదా అయ్యారు. అయితే ఇప్పుడు నాని పుట్టినరోజు సందర్భంగా ఈ సినిమాను ఫిబ్రవరి 24న ప్రపంచవ్యాప్తంగా రీరిలీజ్ చేయబోతున్నారట.
