జగన్ కు చంద్రబాబు సర్కార్ షాక్ ఇచ్చింది. తాడేపల్లిలోని జగన్ నివాసం వెనుక ఉన్న కరకట్ట మార్గంలో ఏర్పాటు చేసిన బారికేడ్లను తొలగించాలని చంద్రబాబు ప్రభుత్వం అదేశించింది. ప్రజల రాకపోకలకు అనుమతిస్తూ ఉత్తర్వులు జారీ చేసింది.
జగన్ ప్రభుత్వ హయాంలో ఈ మార్గంలో రాకపోకలు పూర్తిగా నిలిపివేశారు. రెండు వైపులా పోలీస్ చెక్ పోస్టులు ఏర్పాటు చేసి అనుమతి ఉన్న వారిని మాత్రమే వెళ్ళనిచ్చేవారు. చంద్రబాబు సర్కార్ తాజా ఆదేశాలతో ప్రజలకు 1.5 కిలోమీటర్ల ప్రయాణ భారం తగ్గుతుంది.
