తిరుమలలో గత నెల 11న చిరుతదాడిలో మృతి చెందిన బాలిక లక్షిత కుటుంబానికి రూ. 10 లక్షల ఆర్థిక సాయం అందింది. టిటిడి రూ. 5 లక్షలు, అటవీశాఖ రూ. 5 లక్షలు చొప్పున చెల్లించాయి. కోవూరు మండలం పోతిరెడ్డిపాలెంలోని బాలిక నివాసంలో స్థానిక ఎమ్మెల్యే ప్రసన్నకుమార్ రెడ్డి ఈ మొత్తాన్ని చెక్ రూపంలో లక్షిత తల్లిదండ్రులకు అందించారు.
కాగా.. తిరుమల శ్రీవారి దర్శనార్థం.. నడక మార్గంలో వెళ్తున్న భక్తులను చిరుతల సంచారం భయభ్రాంతులకు గురి చేస్తోంది. జూన్ 11 న కౌశిక్ అనే బాలుడు చిరుత దాడిలో గాయపడి కోలుకోగా.. ఆగస్టు 11న లక్షిత అనే చిన్నారి చిరుత దాడిలో మరణించింది. అయితే తిరుమల నడకదారిలో రెండు రోజుల క్రితం చిన్నారి లక్షితను చంపిన చిరుత ఎట్టకేలకు చిక్కింది.
