ఏపీ విద్యార్థులకు అలర్ట్‌.. పాలిటెక్నిక్ కోర్సుల్లో ప్రవేశాల ప్రక్రియను ఎల్లుండి నుంచి ప్రారంభిస్తున్నట్లు సాంకేతిక విద్యాశాఖ వెల్లడించింది. ఈ మేరకు షెడ్యూల్ ను విడుదల చేసింది. ఈనెల 29 నుంచి జూన్ 5 వరకు ధ్రువపత్రాల పరిశీలన, జూన్ 1 నుంచి 6 వరకు ఆప్షన్ల నమోదుకు అవకాశం ఉంటుంది.
7న ఆప్షన్లలో మార్పులు చేసుకోవచ్చు. 9న సీట్ల కేటాయింపు 15 నుంచి క్లాసులు ప్రారంభమవుతాయి. విద్యార్థులు ప్రాసెసింగ్ ఫీజులు జూన్ 1 లోగా చెల్లించాలి. కాగా, ఏపీ ఐసెట్ పరీక్షకు 49, 162 మంది దరఖాస్తులు చేసుకున్నారని అధికారులు తెలిపారు. రేపు ఉదయం 9 నుంచి 11:30 వరకు, మధ్యాహ్నం 3 నుంచి సాయంత్రం 5 వరకు రెండు సెషన్లలో పరీక్ష జరుగుతుందన్నారు. ఈ మేరకు 11 కేంద్రాల్లో అన్ని ఏర్పాట్లు పూర్తిచేసినట్లు చెప్పారు. విద్యార్థులు హాల్ టికెట్ తో పాటు ఏదైనా ఒక గుర్తింపు కార్డును తప్పనిసరిగా తీసుకురావాలని సూచించారు. నిమిషం లేట్ అయిన అనుమతి ఉండదని తెలిపారు.
