ఉక్రెయిన్‌లో ఓ దుండ‌గుడు బ‌స్సును హైజాక్ చేశాడు. ఉక్రెయిన్ లోని ల‌స్క్ న‌గ‌రంలో 20 మంది ప్ర‌యాణికుల‌తో వెళ్తున్న బ‌స్సును దుండ‌గుడు హైజాక్ చేసి ఓ థియేట‌ర్ స‌మీపంలో పార్క్ చేయించాడ‌ని, బ‌స్సులోని ప్ర‌యాణికులంద‌రినీ బందీలుగా చేసుకున్నాడ‌ని స్థానిక పోలీసులు వెల్ల‌డించారు. దుండగుడి ద‌గ్గ‌ర భారీగా పేలుడు ప‌దార్థాలు, ఆయుధాలు ఉన్నాయ‌ని చెప్పారు.
Armed man takes 'around 20' hostages on a bus in Ukraine, says police: AFP news agency
— ANI (@ANI) July 21, 2020
కాగా దీనిపై పోలీసులు స్పెష‌ల్ ఆప‌రేష‌న్ చేప‌ట్టారు. దుండగుడి డిమాండ్స్ ఏమిటో తెలియ‌డంలేద‌‌ని ఉక్రెయిన్ నేష‌న‌ల్ పోలీస్ డిపార్ట్‌మెంట్‌కు చెందిన ఓ అధికారి చెప్పారు. వ్య‌వ‌స్థపై అసంతృప్తి ఉందని దుండ‌గుడు చెబుతున్నాడ‌ని, అయితే ఏ వ్య‌వ‌స్థ అనేది మాత్రం అత‌ను క‌చ్చితంగా చెప్ప‌లేద‌ని ఆయ‌న తెలిపారు. దీంతో అక్కడ ప్రస్తుతం ఉద్రిక్త వాతావరణం ఏర్పడింది.
