తక్కువ పెట్టుబడి తో ఎక్కువ ఆదాయాన్ని ఇచ్చే పథకాల కోసం జనాలు ఎప్పుడూ వెతుకుతూనే ఉంటారు.స్టాక్ మార్కెట్ లో ఉన్న బెస్ట్ పథకాల గురించి ఇప్పుడు తెలుసుకుందాం..
పెట్టుబడిదారులకు ఎస్బీఐ ఆఫర్ చేస్తున్న sbi యాన్యుటీ డిపాజిట్ స్కీమ్ మంచి ఎంపికగా నిలుస్తోంది. ఈ పథకం ఇన్వెస్టర్లకు గ్యారెంటీడ్‌ రిటర్న్స్ అందిస్తుంది. అలాగే ఇందులో పెట్టుబడి పెట్టడం వల్ల ఏ రిస్క్ ఉండదు. అంతేకాదు, ప్రతి నెలా స్థిరమైన ఆదాయాన్ని పొందొచ్చు. మరి ఈ పథకం గురించి వివరాలు తెలుసుకుందాం..
ఈ స్కీమ్ లో ఒకసారే డబ్బులను ఇన్వెస్ట్ చెయ్యాలి.కనీసం రూ.36 వేలు డిపాజిట్ చేయాల్సి ఉంటుంది. ఈ స్కీమ్‌లో గరిష్ట పరిమితి అంటూ ఏమీ లేదు కాబట్టి మీరు ఎంత మొత్తంలోనైనా డబ్బులు ఇన్వెస్ట్ చేసుకోవచ్చు. అలా ఇన్వెస్ట్ చేసిన కొంతకాలం తర్వాత పెట్టుబడిదారులు ప్రతి నెలా ఒకే మొత్తంలో డబ్బు అందుకుంటారు. ఈ రిటర్న్స్‌ను మీరు డిపాజిట్ చేసిన అమౌంట్‌లో కొంత మొత్తం, వడ్డీని కలిపి ఎస్బీఐ చెల్లిస్తుంది.వడ్డీ అనేది మీ ఖాతా అమౌంట్ పై ఉంటుంది.
36, 60, 84 లేదా 120 నెలల కాలపరిమితులతో డిపాజిట్ చేయవచ్చు. లాక్-ఇన్ పీరియడ్ ముగిసిన తర్వాత, కస్టమర్లు బ్యాంక్ నుంచి ప్రతి నెలా రిటర్న్‌లను పొందుతారు. ఈ పథకం కింద పెట్టుబడిదారులు తమ ఇనిషియల్ డిపాజిట్‌కి ముందుగా నిర్ణయించిన నెలవారీ మొత్తాన్ని అందుకుంటారు. ఇన్వెస్టర్లు నెలలో ఏ తేదీన డిపాజిట్ చేశారో అదే తేదీన ఎస్బీఐ రిటర్న్స్ అందజేయడం ప్రారంభిస్తుంది..ఈ స్కీమ్ ను సమీపంలోని బ్రాంచ్ కు వెళ్ళి తెలుసుకోవచ్చు..
భారత్‌లో నివసించే చిన్న పిల్లల నుంచి పెద్దవారి వరకు ఎవరైనా సరే ఈ ఎస్బీఐ యాన్యుటీ డిపాజిట్ స్కీమ్‌లో పెట్టుబడి పెట్టవచ్చు… ఇక్కడ బ్యాంక్ ఖాతా ఉండి, వేరే దేశంలో ఉండే వారికి ఈ స్కీమ్ లో పెట్టుబడి పెట్టడం కుదరదు..
