కరోనా దెబ్బకు ఆర్ధికంగా ప్రజలు చాల వరకు నష్టపోయిన సంగతి తెలిసిందే. చాలా మందికి ఉద్యోగాలు, వ్యాపారాలు ఇతరత్రా ఆదాయాలు భారీగా పడిపోయాయి. దీనితో ఇప్పుడు బ్యాంకు లు కూడా ప్రజలకు ఆర్ధికంగా తమ వంతు సహాయ సహకారాలు అందిస్తున్నాయి. ఈ తరుణంలో బ్యాంకు లకు ఒక రకమైన భయం పట్టుకుంది. ఇప్పుడు క్రెడిట్ కార్డుల బిల్లులు జనం కడతారా లేదా అనే ఆందోళన ఉంది.
ఈ తరుణంలో కీలక బ్యాంకు లు అన్నీ కూడా ఒక నిర్ణయం తీసుకున్నాయి. ప్రైవేట్ బ్యాంకు లు భవిష్యత్తుని దృష్టి లో పెట్టుకుని కీలక నిర్ణయం తీసుకున్నాయి. క్రేడ్ కార్డ్ లిమిట్ ని బాగా తగ్గించాయి. ఈ మేరకు రంగం సిద్దం చేసుకుని చర్యలకు దిగాయి. క్రెడిట్ కార్డ్ ల వాడకం భారీగా పెరిగిన సంగతి తెలిసిందే. ఈ నేపధ్యంలో ముందు జాగ్రత్త చర్యలు తీసుకున్నాయి. ముందస్తు చర్యల్లో భాగంగా ఈ నిర్ణయం తీసుకున్నాయి.
ఇప్పటికే బిల్లులు చెల్లించడం లేదు చాలా మంది. చిరు వ్యాపారుల నుంచి ఉద్యోగుల వరకు ప్రతీ ఒక్కరికి క్రెడిట్ కార్డులు ఉన్నాయి. భవిష్యత్తులో ఆర్ధిక పరిస్థితి మరీ దిగజారే అవకాశం ఉందని అంచనా వేసి ఈ నిర్ణయం తీసుకున్నాయి. హైదరాబాద్ నగరంలో క్రెడిట్ కార్డు వినియోగదారులు సుమారుగా 40 లక్షల వరకు ఉంటారని, వారిలో సగం మంది బిల్లులు కట్టడం లేదని బ్యాంకు లు ఆందోళన లో ఉన్నాయి.
