బీఎస్పీ రాష్ట్ర అధ్యక్షుడు ఆర్ ఎస్ ప్రవీణ్ కుమార్ చేపట్టిన బహుజన యాత్ర బుధవారం నాటికి కరీంనగర్ జిల్లాలోనీ వీణవంక మండలం మల్లారెడ్డి పల్లికి చేరింది. ఈ సందర్భంగా మల్లారెడ్డిపల్లి మీదుగా వెళుతున్న ఆర్ఎస్ ప్రవీణ్ కుమార్ అక్కడ పొలాల్లో వరి నాటు వేస్తున్న మహిళలతో కాసేపు ముచ్చటించారు. ఈ సందర్భంగా ఆయన మహిళలతో కలిసి వరినాట్లు వేశారు.
ఆ తర్వాత ఆయన మాట్లాడుతూ.. కనీసం పది నిమిషాలు కూడా వంగి నాటు వేయడం చాలా కష్టంగా ఉందని, కానీ ఈ తల్లులు రోజుకు ఆరు గంటలు కష్టపడితే కేవలం 300 వస్తాయని వ్యాఖ్యానించారు. కానీ దొరలు మాత్రం నడుము వంచకుండానే వేల కోట్లు ఎలా సంపాదించారని ప్రశ్నించారు. శ్రామికులకు సంపద రావాలంటే తెలంగాణలో బీఎస్పీ పార్టీని గెలిపించాలని అన్నారు. ఈ వీడియో ప్రస్తుతం సోషల్ మీడియాలో వైరల్ గా మారింది.
#bahujanayatra లో మల్లారెడ్డిపల్లి మహిళలతో కలిసి వరి నాట్లు వేశాను. కనీసం 10 నిమిషాలు కూడా వంగి నాటు వేయడం కష్టమైంది. కానీ ఈ తల్లులు రోజు 6గంటలు కష్టపడితే కేవలం 300 వస్తాయి.కానీ దొరలు మాత్రం నడుం వంచకుండానే వేల కోట్లు ఎలా సంపాదిస్తున్నారు? శ్రామికులకు సంపద రావాలంటే #BSP గెలవాలి pic.twitter.com/pHayb209KN
— Dr.RS Praveen Kumar (@RSPraveenSwaero) July 20, 2022
