ఇవాళ్టి నుండి తెలంగాణ రాష్ట్ర వ్యాప్తంగా కాంగ్రెస్ పార్టీ ఆధ్వర్యంలో రైతు రచ్చబండ కార్యక్రమం ప్రారంభం కానుంది. రైతు డిక్లరేషన్ పై పల్లె పల్లెకు కాంగ్రెస్ అనే నినాదంలో ప్రజల్లోకి వెళుతోంది. ఇందులో భాగంగానే.. ఆచార్య జయశంకర్ స్వగ్రామం అక్కంపేట లో రచ్చబండ లో టీపీసీసీ అధ్యక్షులు రేవంత్ రెడ్డి పాల్గొననున్నారు.
రంగారెడ్డి జిల్లా కందుకూరు మండలం నెదునూరు గ్రామంలో పాల్గొననున్న సీఎల్పీ నేత భట్టి విక్రమార్క.. కొమురవల్లి గ్రామంలో రచ్చబండ కార్యక్రమం లో పొన్నాల లక్ష్మయ్య పాల్గొనన్నారు. హుజూర్ నగర్ లోని చింతలపాలెం మండలం బుగ్గ మాదారం గ్రామంలో ఎంపీ ఉత్తమ్ కుమార్ రెడ్డి పాల్గొంటారు..
జగిత్యాల మండలం పొలాస గ్రామంలో ఎమ్మెల్సీ జీవన్ రెడ్డి.. జహీరాబాద్ నియోజక వర్గంలో న్యాల్ కల్ మండల కేంద్రంలో వర్కింగ్ ప్రసిడెంట్ గీతారెడ్డి… కామారెడ్డి రూరల్ మండలం లోని గూడెం గ్రామంలో పీఏసీ కన్వీనర్ షబ్బీర్ అలీ పాల్గొంటారు. సంగారెడ్డి నియోజక వర్గంలో జగ్గారెడ్డి.. కరీంనగర్ లోకసభ పరిధిలోని నగునూరు గ్రామంలో మాజీ ఎంపీ పొన్నం ప్రభాకర్ పాల్గొంటారు.
