కరోనా వైరస్ కి మందు అనేది ఇప్పుడు ఉన్న పరిస్థితుల్లో చాలా కీలకం. ప్రపంచం ఎంత వేగంగా దీనిని కనుక్కుంటే అంత వేగంగా వైరస్ నుంచి బయటపడే అవకాశం ఉంటుంది అనేది వాస్తవం. ఈ తరుణంలో మన దేశానికి చెందిన శేషాద్రి వాసన్ ఆస్ట్రేలియా లో కీలక అడుగు వేసారు. కరోనా వైరస్ జెనెటిక్‌ కోడ్‌ను విశ్లేషించే సరికొత్త పద్ధతిని బ్రిటన్‌, ఆస్ట్రేలియా శాస్త్రవేత్తల సంయుక్త బృందం తాజాగా రూపొందించారు.
దీనికి శేషాద్రి వాసన్ నేతృత్వం వహించారు. బిట్స్‌ పిలానీలో బీఈ, బెంగళూరులోని ఇండియన్‌ ఇన్‌స్టిట్యూట్‌ ఆఫ్‌ సైన్సె్‌సలో ఎమ్మెస్సీ(ఇంజనీరింగ్‌) చేసారు ఆయన. ప్రస్తుతం వాసన్ ఆస్ట్రేలియా ప్రభుత్వానికి చెందిన కామన్‌వెల్త్‌ సైంటిఫిక్‌ అండ్‌ ఇండస్ట్రియల్‌ రిసెర్చ్‌ ఆర్గనైజేషన్‌(సీఎ్‌సఐఆర్‌ఓ)లో ‘ప్రమాదకర వ్యాధికారకాల’ విభాగం టీమ్‌ లీడర్‌, ప్రిన్సిపల్‌ ఇన్వెస్టిగేటర్‌గా ఆయన విధులు నిర్వహిస్తున్నారు.
ఆయన నేతృత్వంలో శాస్త్రవేత్తలు వ్యాక్సిన్ తయారు చేసే పనిలో ఉన్నారు. కరోనా జెనెటిక్‌ కోడ్‌ను విశ్లేషించడానికి అవసరమైన ఈ నూతన పద్ధతి ద్వారా వైరస్ లో చోటుచేసుకునే జన్యుమార్పులు ప్రాతిపదికగా తీసుకుని… భవిష్యత్తులో దాని నుంచి వచ్చే వ్యాధులను అంచనా వేయవచ్చు. వ్యాక్సిన్ అభివృద్ధికి ఇది చాలా కీలకంగా మారే అవకాశం ఉంది. మెల్‌బోర్న్‌లో ఉన్న డోహెర్టీ ఇన్‌స్టిట్యూట్‌ వేదికగా వాసన్ అండ్‌ టీం ఓ కరోనా బాధితుడి శాంపిల్‌ నుంచి వైర్‌సను వేరు చేయడంలో కీలక అడుగు వేసారు.
