హైదరాబాద్ లోని హసన్ నగర్ లో నడిరోడ్డుపై అందరూ చూస్తుండగానే ఓ హోటల్ ముందు రౌడీ షీటర్ మునావర్ ఖాన్ అలియాస్ బాబు ఖాన్ ను కొందరు గుర్తు తెలియని దుండగులు కత్తులతో దాడి చేసి హత్య చేశారు. ఈనెల 14న బహదూర్ పుర పోలీస్ స్టేషన్ పరిధిలో ఈ హత్య జరిగింది. పదునైన ఆయుధాలతో దుండగులు దాటి చేయడంతో బాబు ఖాన్ స్పాట్ లోనే మృతి చెందాడు.
స్థానికులనుంచి సమాచారం అందుకున్న బహుదూర్ పుర పోలీసులు హుటాహుటిన ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించారు. అయితే తాజాగా రౌడీ షీటర్ బాబు ఖాన్ ను హత్య చేసి పరారైన ఆరుగురు నిందితులను అరెస్టు చేశారు బహదూర్ పుర పోలీసులు. నిందితుల వద్ద నుండి డాగర్స్ కత్తులు, ఓ పిస్తోల్ స్వాధీనం చేసుకున్నారు. పాత కక్షల నేపథ్యంలోనే హత్య చేసినట్లు పోలీసుల విచారణలో వెళ్లడైంది.
