వామ్మో ఈ బరువు తగ్గించుకోవడం నా వల్ల కాదని సినిమాలు తగ్గించుకుంటోంది అనుష్క. ఇక స్వీటీనే లైట్‌ తీసుకోవడంతో, దర్శకనిర్మాతలు కూడా ఈమెని పక్కనపెట్టేస్తున్నారు. అయితే జేజమ్మ నా వల్ల కాదని హింట్స్‌ ఇస్తున్నా, జనాలు మాత్రం ఊరుకోట్లేదు. మరి ఫ్యాన్స్ కోసమైన అనుష్క మునుపటి లుక్‌తో తిరిగొస్తుందా అన్నది ఇప్పుడు ఆసక్తికరంగా మారింది.
అనుష్క ‘నిశ్శబ్ధం’ సినిమాలో చాలా దారుణంగా కనిపించిందనే కామెంట్స్‌ వచ్చాక అజ్ఞాతంలోకి వెళ్లిపోయింది. మరో మూవీకి సైన్‌ చెయ్యకుండా సైలెంట్ అయ్యింది. ఇక స్వీటీ సైలెంట్ అవ్వడంతో దర్శకనిర్మాతలు కూడా ఈమెని లైట్‌ తీసుకున్నారు. అయితే ‘దుర్గామతి’ ట్రైలర్ రిలీజ్ అయ్యాక, అనుష్కకి బోల్డన్ని రిక్వెస్టులు వస్తున్నాయి. మళ్లీ యాక్టివ్‌కమ్మని ట్వీట్ చేస్తున్నారు నెటిజన్లు.
అనుష్క దెయ్యాల కథతో చేసిన ‘భాగమతి’ని హిందీలో ‘దుర్గామతి’గా రీమేక్ చేస్తున్నారు. అక్షయ్ కుమార్‌ నిర్మాణంలో భూమి పడ్నేకర్ లీడ్‌ రోల్‌లో ఈ రీమేక్ రెడీ అయ్యింది. రీసెంట్‌గా ‘దుర్గామతి’ ట్రైలర్ రిలీజ్ అయ్యింది. ఇక ఈ ట్రైలర్ రిలీజ్ కావడం ఆలస్యం అనుష్కని పొగడ్డం స్టార్ట్ చేశారు నెటిజన్లు. అనుష్క లాంటి హీరోయిన్‌ రావడం కష్టమని కామెంట్‌ చేస్తున్నారు.
అనుష్కని భూమి పడ్నేకర్ అస్సలు మ్యాచ్ చెయ్యలేకపోయిందని, స్ట్రాంగ్‌ క్యారెక్టర్ చెయ్యాలంటే జేజమ్మే కరెక్ట్ అని కామెంట్స్‌ చేస్తున్నారు. అంతేకాదు అనుష్క మళ్లీ సినిమాలు చెయ్యాలని, వెయిట్‌ తగ్గి కెమెరా ముందుకు రావాలని రిక్వెస్టులు పెడుతున్నారు. మరి అభిమానుల కోరిక మన్నించి అనుష్క మునుపటి లుక్‌తో మెరుస్తుందేమో చూడాలి.
