BREAKiNG : తెలంగాణ రాజకీయాల్లో విషాదం చోటు చేసుకుంది. మాజీ ఎమ్మెల్యే మందాడి సత్యనారాయణ రెడ్డి మృతి చెందారు. కాసేపటి క్రితమే.. మాజీ ఎమ్మెల్యే మందాడి సత్యనారాయణ రెడ్డి మృతి చెందారు. గత కొన్ని రోజులుగా..అనారోగ్యంతో బాధపడుతున్నారు మాజీ ఎమ్మెల్యే మందాడి సత్యనారాయణ రెడ్డి. ఈ నేపథ్యంలోనే ఇవాళ ఆయన మృతి చెందారు.
మందాడి సత్యనారాయణ రెడ్డి మరణంపట్ల బండి సంజయ్ కుమార్ దిగ్బ్రాంతి వ్యక్తం చేశారు. వారి కుమారుడు శ్యాంప్రసాద్ రెడ్డికి ఫోన్ చేసి సంతాపం తెలిపారు బండి సంజయ్… బీజేపీ బలోపేతానికి మందాడి ఎంతగానో కృషి చేశారని వెల్లడించారు. కాగా, మారుమూల పల్లెలో ( గ్రామం ఇప్పగూడ, మండలం స్టేషన్ ఘనపూర్, జిల్లా జనగామ ) జన్మించిన మందాడి సత్యనారాయణరెడ్డి జనసంఘ్ లో క్రియాశీలకంగా పనిచేశారు. బీజేపీలో కార్యకర్తగా రాజకీయ ప్రస్థానాన్ని ప్రారంభించి అంచెలంచెలుగా ఎదిగిన శ్రీ మందాడి సత్యనారాయణరెడ్డి ఉమ్మడి ఆంధ్రప్రదేశ్ లో పార్టీ రాష్ట్ర ఉపాధ్యక్షులుగా పనిచేశారు.
