గ్లోబల్ స్టార్ రామ్ చరణ్ నటిస్తున్న మూవీ గేమ్ ఛేంజర్. శంకర్ దర్శకత్వంలో తెరకెక్కుతున్న ఈ సినిమా పై అభిమానుల్లో భారీ అంచనాలే నెలకొన్నాయి. కియారా అద్వాని కథనాయికగా నటిస్తున్న ఈ సినిా పై శ్రీ వేంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్ పై దిల్ రాజు, శిరీష్ భారీ బడ్జెట్ తో నిర్మిస్తున్నారు. తెలుగు, తమిళ, హిందీ భాషల్లో ఈ సినిమా సంక్రాంతి కానుకగా జనవరి 10న ప్రపంచ వ్యాప్తంగా ప్రేక్షకుల ముందుకు రాబోతుంది.
ఈ నేపథ్యంలో చిత్ర యూనిట్ ప్రమోషన్లలో వేగాన్ని పెంచింది. వరుసగా పాటలను విడుదల చేస్తోంది. ఇప్పటికే విడుదల చేసిన రా మచ్చా మచ్చా, నానా హైరానా సాంగ్స్ కి మంచి స్పందన లభించింది. తాజాగా ఈ చిత్రంలో నుంచి నాలుగో పాట దోప్ ను విడుదల చేసారు. రామ్ చరణ్, కియారా అద్వానీ డ్యాన్స్ అదిరిపోయాయి. ఈ పాటను రామజోగయ్య శాస్త్రి రాయగా.. థమన్, రోషిని పాడారు. జానీ మాస్టర్ కంపోజ్ చేశారు. యూట్యూబ్ లో ప్రస్తుతం ఈ పాట దూసుకుపోతోంది.
