తమిళనాడులోని మధురై లో పట్టపగలే దారుణం జరిగింది. మధురై లోని కీల వీధిలో సెయింట్ మేరీ చర్చి జంక్షన్ సమీపంలో కారులో వచ్చిన దుండగులు కత్తులతో ఇద్దరిపై దాడి చేశారు. పాత కక్షలతో మురుగనంతం అనే వ్యక్తి తల నరికి పట్టుకెళ్లారు దుండుగులు. రోడ్డుపై వెళ్తున్న వాహనదారులు తీసిన వీడియోలు తమిళనాడులో వైరల్‌గా మారాయ్‌. ప్రాణాలతో పోరాడుతున్న మరో వ్యక్తి మునుస్వామి స్థానిక రాజాజీ ఆస్పత్రికి తరలించారు పోలీసులు.
గాయాలతో తప్పించుకున్న అతని స్నేహితుడు ప్రభుత్వ ఆసుపత్రిలో చికిత్స పొందుతున్నాడు. మృతుడిని ఉతంగుడి సమీపంలోని సోలైయప్పన్ నగర్ కు చెందిన బి మురుగనంతం (22) గా గుర్తించారు. నిన్న సాయంత్రం యువకుడు తన స్నేహితుడు మునుస్వామి తో కలిసి చర్చి సమీపంలో నడుచుకుంటూ వెళ్తుండగా కారులో వచ్చిన ముఠా ఇద్దరినీ అడ్డగించింది. వారిని చూడగానే ఇద్దరూ తప్పించుకోవడానికి ప్రయత్నించారు. అయితే వారు మురుగనంతంను వెంబడించి అతనిపై దాడి చేశారు. అతను చనిపోతున్నప్పుడు అతని తల కత్తిరించి కొంచెం దూరంలో ఉన్న చర్చి ముందు పడేసి మళ్ళీ కారులో వెళ్ళిపోయారు.
