సరిగ్గా ఎన్నికల ముంగిట కేరళ సీఎం పినరయి విజయన్ మెడకు గోల్డ్ స్మగ్లింగ్ చుట్టుకుంది. గోల్డ్ స్మగ్లింగ్ తో సీఎం కూడా సంబంధాలు ఉన్నాయని ఈ కేసులో పట్టుబడిన స్వప్న సురేష్ కస్టమ్స్ అధికారులకు చెప్పినట్లు తెలుస్తోంది. ఒక్క సీఎం కు మాత్రమే కాగా కేరళ స్పీకర్ సహా ముగ్గురు మంత్రులకు కూడా ఈ స్మగ్లింగ్ లో ప్రమేయం ఉందని ఆమె వెల్లడించినట్లు తెలుస్తోంది. పినరయి విజయన్ అలానే యూ ఏ ఈ కాన్సులేట్ మధ్య ఉన్న చర్చలలో స్వప్న సురేష్ మధ్యవర్తిగా వ్యవహరించినట్లు తెలుస్తోంది.
ఈ కేసుకు సంబంధించి కేరళ స్పీకర్ కు కస్టమ్స్ అధికారులు నోటీసులు జారీ చేసే అవకాశం ఉందని అంటున్నారు. సరిగ్గా ఎన్నికలకు ముందు ఈ ప్రక్రియ జరుగుతుండడంతో ప్రతిపక్షాలకు కస్టమ్స్ అధికారుల స్టేట్మెంట్ ఒక ఆయుధంగా మారింది. ఇక ఈ కేసులో విజయన్ కు సంబంధాలు ఉన్నాయని తేలితే కనుక కేరళ రాజకీయాలలో ఇది పెను సంచలనం అనే చెప్పాలి. చాలా రోజులుగా ఇక్కడ పాగా వేయాలని చూస్తున్న కాంగ్రెస్ బీజేపీలకు ఇది ఒక సువర్ణ అవకాశం అని చెప్పాలి.
