టాలీవుడ్‌ యంగ్‌ హీరో రామ్ పోతినేని వరుస సినిమాలతో దూసుకుపోతున్నాడు. స్టైలిష్ గా కనిపిస్తూనే… మాస్ పాత్రలతో అలరించే హీరో రామ్ పోతినేని. దర్శకుడు లింగుస్వామి కూడా సినిమాలకు పెట్టింది పేరు. ఇద్దరి కాంబినేషన్ లో సినిమా అనగానే అందరిలోనూ ఆసక్తిని పెంచింది. ద్విభాషా చిత్రంగా తెలుగు మరియు తమిళంలో తెరకెక్కుతున్న ఈ సినిమాని శ్రీనివాస చిత్తూరి నిర్మిస్తున్నారు.
ఈ సినిమాకు ది వారియర్‌ అనే టైటిల్‌ ను ఇటీవలే అనౌన్స్‌ చేసింది చిత్ర బృందం. అయితే… ఈ సినిమాలో ఉప్పెన తో ఆకట్టుకున్న కృతి శెట్టి హీరోయిన్ గా నటిస్తోంది. ఊర మాస్ కథతో ఈ చిత్రాన్ని రూపొందిస్తుంది సినీ బృందం. అయితే తాజాగా ఈ సినిమా నుంచి అప్డేట్ వచ్చింది. ఈ సినిమా నుంచి నటుడు ఆది ఫస్ట్‌ లుక్‌ ను విడుదల చేసింది చిత్ర బృందం. గురు అనే విలన్ క్యారెక్టర్‌ లో ఆది నటిస్తున్నాడు. దీనికి సంబంధించిన ఫస్టు లుక్‌ ను విడుదల చేశారు. ఈ పోస్టర్ లో ఆది చాలా క్రూరంగా కనిపిస్తూ.. అందరినీ ఆకట్టుకుంటున్నాడు.
Meet GURU from #TheWarriorr ! @AadhiOfficial you Monster!! Haha..can’t wait for them to witness your career best performance brother!
Happy #MahaShivaratri my people.
Love..#RAPO pic.twitter.com/uuWEMxrRCR
— RAm POthineni (@ramsayz) March 1, 2022
