మేజర్ సినిమాతో ఇటీవలే ప్రేక్షకులను అలరించారు హీరో అడవి శేష్. తన నెక్స్ట్ సినిమా హిట్- ద సెకండ్ కేసు గురించి ఫ్యాన్స్ ఎంతో ఆత్రుతగా ఎదురుచూస్తున్నారు. శేష్ ఆ సినిమా అప్‌డేట్ ఇస్తారని ఆశించిన అభిమానులకు నిరాశే ఎదురైంది. హిట్-2 సినిమా షూటింగ్ నుంచి కొన్నిరోజులు బ్రేక్ తీసుకుంటున్నట్లు శేష్ ట్విటర్ ద్వారా తెలిపారు. మేజర్ సినిమాను ప్రపంచ వ్యాప్తంగా ప్రచారం చేయడంలో భాగంగా ఇన్నిరోజులు బిజీబిజీగా గడిపిన తాను.. కాస్త అలసిపోయానని అందుకే బ్రేక్ తీసుకుంటున్నట్లు చెప్పారు.
#HIT2 will come with a BANG!
But at the right time 😏#FinalSchedule Next Month pic.twitter.com/KbljRmx386
— Adivi Sesh (@AdiviSesh) July 23, 2022
‘మేజర్ సినిమాను ఇంత పెద్ద సక్సెస్ చేసినందుకు అందరికి థ్యాంక్స్. మేజర్ తర్వాత వెంటనే హిట్-2 తో మీ అందర్ని ఎంటర్‌టైన్‌ చేద్దామనుకున్నాను. కానీ వీరసైనికుడైన మేజర్ ఉన్నికృష్ణన్ కథను, జీవితాన్ని ప్రపంచానికి తెలియజేయడానికి చాలా కష్టపడాల్సి వచ్చింది. వరల్డ్ వైడ్‌గా ఈ సినిమాను ప్రమోట్ చేయడంలో ఇన్ని రోజులు బిజీగా గడిపాను. అందుకే కాస్త అలసిపోయాను. సినిమా ప్రొడ్యూసర్ నాని, డాక్టర్ శైలేష్ గారిని కొన్ని రోజులు బ్రేక్ కావాలని అడిగాను. దానికి వాళ్లు ఒప్పుకున్నారు. కొన్నిరోజులు రెస్ట్ తీసుకుని మళ్లీ హిట్-2 షూటింగ్ మొదలుపెడతాం. హిట్-2 కి సంబంధించిన అప్డేట్స్‌తో మళ్లీ త్వరలోనే మీ ముందుకు వస్తాను. మేజర్ సినిమాలాగే హిట్-2ను ఆదరించడానికి రెడీగా ఉండండి.’ అని అడవి శేష్ ట్వీట్ చేశారు.
