ముంబయిలో నీతా ముకేశ్ అంబానీ కల్చరల్ సెంటర్ లాంఛ్ ఈవెంట్కు హాలీవుడ్, బాలీవుడ్ తారలు హాజరైన విషయం తెలిసిందే. అయితే ఈ ఈవెంట్లో చాలా ప్రత్యేకతలున్నాయి. ఈ వేడుకకు సంబంధించి ఇప్పటికే చాలా ఫొటోలు, వీడియోలు నెట్టింట వైరల్ అయ్యాయి. అయితే తాజాగా ఓ ఫొటో మాత్రం నెటిజన్లను విపరీతంగా ఆకట్టుకుంటోంది. అదేంటంటే..?
బాలీవుడ్ హ్యాండ్సమ్.. గ్రీక్ గాడ్ హృతిక్ రోషన్ ఈ ఈవెంట్కు తన గర్ల్ఫ్రెండ్ సబా ఆజాద్తో కలిసి వచ్చాడు. సభా రెడ్ కలర్ ట్రెడిషనల్ ఔట్ఫిట్లో కనిపించగా.. హృతిక్ బ్లాక్ కలర్ శర్వాణీలో సందడి చేశాడు. అయితే సబా ప్రముఖ ఫ్యాషన్ డిజైనర్ అమిత్ అగర్వాల్తో ఫొటో దిగుతుండగా వెనకాలే.. హృతిక్ తన చేతిలో హీల్స్ పట్టుకుని కనిపించాడు. ఈ ఫొటోలను చూసిన అభిమానులు షాక్కు గురయ్యారు. లవర్ హీల్స్‌ను చేతుల్లో మోస్తున్న హృతిక్ సింప్లిసిటీకి మెచ్చుకోవాలంటూ కామెంట్లు పెడుతున్నారు.
సబా, హృతిక్ రోషన్ కొంతకాలంగా ప్రేమలో ఉన్న సంగతి తెలిసిందే. తరచూ ఈ జంట చట్టాపట్టాలేసుకుని తిరగడం.. కలిసి వెకేషన్లకు వెళ్లడం.. ఫ్యామిలీ పార్టీల్లో కలిసి ఉండటం చూసి వీళ్లిద్దరు రిలేషన్షిప్లో ఉన్నట్లు నెటిజన్లు కన్ఫామ్ చేసుకున్నారు.
