శంషాబాద్ విమానాశ్రయంలో భారీగా బంగారం పట్టుబడింది. ప్రయాణికులను తనిఖీ చేస్తుండగా 23 మంది వద్ద భారీ బంగారం దొరికిందని కస్టమ్స్ అధికారులు తెలిపారు. సుడాన్ నుంచి వచ్చిన 23 మంది నుంచి 14.906 కిలోల బంగారం స్వాధీనం చేసుకున్నట్లు వెల్లడించారు. ఈ బంగారం విలువ రూ.7.900 కోట్లు ఉంటుందని తెలిపారు. ఈ కేసులో నలుగురు అరెస్టు చేశామని వెల్లడించారు. మిగిలిన వారిని విచారిస్తున్నామని చెప్పారు.
షూ కింద ప్రత్యేక ఏర్పాట్లు చేసుకుని వీరంతా బంగారం తరలిస్తున్నారని అధికారులు వివరించారు. అయితే వీరంతా ఒకే గ్యాంగ్కు చెందిన వారా లేక వేర్వేరుగా బంగారం తీసుకెళ్తున్నారా అనే కోణంలో నిందితులను కస్టమ్స్ అధికారులు విచారిస్తున్నారు.
