తెలంగాణ వ్యాప్తంగా ఆస్పత్రుల్లో తనిఖీలు నిర్వహించారు అధికారులు. తెలంగాణ వ్యాప్తంగా ప్రైవేటు ఆస్పత్రులు, ల్యాబ్స్, డైగ్నోస్టిక్ కేంద్రాల్లో వైద్యాధికారులు తనిఖీలు చేశారు. ఈ నేపథ్యంలో నల్లగొండ లో 6 ఆస్పత్రులకు షోకాజ్ నోటీసులు జారీ చేశారు. నల్లగొండలో 5 ల్యాబ్లు, ఒక ప్రైవేట్ ఆస్పత్రి సీజ్ చేశారు. ఆదిలాబాద్ లో 3 ఆస్పత్రులకు నోటీసులు అందజేశారు.
వరంగల్, నారాయణపేట్ జిల్లాలో ఆస్పత్రుల్లో తనిఖీలు నిర్వహించారు. జగిత్యాల జిల్లాలో 2 ప్రైవేట్ ఆస్పత్రులకు నోటీసులు జారీ చేశారు. ములుగులో 3 ప్రైవేట్ ఆస్పత్రులకు షోకాజ్ నోటీసులు అందజేశారు. మరో వారం రోజుల పాటు ఈ తనిఖీలు కొనసాగనున్నాయి.
ఆసుపత్రులలో కనీస సదుపాయాలపై ఆరా తీస్తున్నారు అధికారులు. అనుమతులు, మౌలిక వసతులు పాటించని ఆసుపత్రులను సీజ్ చేస్తున్నారు. మరికొన్ని ఆసుపత్రులకు శోకాజ్ నోటీసులు జారీ చేస్తున్నారు. ఆసుపత్రుల నిర్వహణలో లోపాలను సవరించుకోవాలని సూచిస్తున్నారు.
