రష్యా-ఉక్రెయిన్ మధ్య తీవ్ర యుద్ధం జరుగుతున్న వేళ నాటో కూటమి సెక్రటరీ జనరల్ గా నెదర్లాండ్స్ ఆపద్దర్మ ప్రధాని మార్క్ రుట్టెను బుధవారం ఎన్నుకున్నారు. ఈ పదవి కోసం పోటీపడ్డ రుమేనియా అధ్యక్షుడు క్లాస్ యెహానిస్ ఇటీవల పోటీ నుంచి తప్పుకోవడంతో రుట్టె నియామకం లాంఛనప్రాయం కాగా, తాజాగా నాటో మిత్రపక్షాలు ఆయనను తదుపరి బాస్ ఎన్నుకున్నాయి. 1 అక్టోబర్ 2024 నుండి రుట్టె సెక్రటరీ జనరల్ గా తన విధులను స్వీకరిస్తారని నాటో ఒక ప్రకటనలో తెలిపింది. గత ఏడాది ఈ పదవిపై ఆసక్తి కనబరిచిన ఆయన, యునైటెడ్ స్టేట్స్, బ్రిటన్, ఫ్రాన్స్, జర్మనీతో సహా కూటమిలోని ముఖ్య సభ్యుల నుండి ముందస్తు మద్దతు పొందారు.
నాటోలో తూర్పు ఐరోపా దేశాలు ఈ పదవిని మొదటిసారిగా తమ ప్రాంతం నుండి ఎవరికైనా ఇవ్వాలని వాదించాయి, అయినప్పటికి మార్క్ రుట్టెను ఎన్నుకున్నారు. రష్యా అధ్యక్షుడు వ్లాదిమిర్ పుతిన్పై తీవ్ర విమర్శలు చేయడంతో పాటు, ఉక్రెయిన్కు గట్టి మిత్రుడిగా ఆయనకు పేరుంది ప్రస్తుతం ఈ కూటమికి బాస్ గా ఉన్న జెన్స్ స్టోల్టెన్బర్గ్ తన వారసుడిగా రుట్టే ఎంపికను హృదయపూర్వకంగా స్వాగతిస్తున్నట్లు చెప్పారు. మార్క్ నిజమైన అట్లాంటిసిస్ట్, బలమైన నాయకుడు, ఏకాభిప్రాయబిల్డర్, నేను నాటోను సమర్థ నాయకత్వం గల వారి చేతుల్లో వదిలివేస్తున్నానని ఆయన అన్నారు.
