నేటి జనరేషన్కు మొబైల్ ఫోన్ జీవితంలో భాగమైపోయింది. ఒక పూట తిండి తినకుండా అయినా ఉంటారు కానీ.. చేతిలో క్షణం మొబైల్ లేకపోతే భరించలేరు. ఇక ఆ ఫోన్ రిపేర్ అవ్వడమో.. పోవడమో.. ఇలా ఏదైనా కారణంతో తమ చేతిలో నుంచి మాయమైతే అప్పుడు చూడాలి వారి బాధ. రెక్కలు తెగిన పక్షిలా గిలగిలా కొంటుకుంటారు. ఇక ఎవరైనా తమ ఫోన్ను చేతిలో నుంచి లాక్కుంటే వారితో గొడవ పడుతుంటారు. అయితే స్నేహితులో.. కుటుంబ సభ్యులతోనో ఈ విషయంలో గొడవ పడటం కామన్. కానీ ఓ విద్యార్థిని ఏకంగా తన ఫోన్ లాక్కున్నారని టీచర్పై దాడికి దిగింది.
అమెరికాలో ఓ హై స్కూల్ విద్యార్ధిని టీచర్పై పెప్పర్ స్ప్రేతో అటాక్ చేసింది. ఈ ఘటన టెన్నిస్సిలోని నాష్‌విల్లేలో ఉన్న ఆంటియాక్ హై స్కూల్‌లో జ‌రిగింది. క్లాసురూంలో ఫోన్ వాడుతున్నందుకు.. విద్యార్ధిని నుంచి టీచర్ ఫోన్ లాక్కున్నారు. దీంతో కోపోద్రిక్తురాలైన ఆ విద్యార్థిని టీచర్ వెనకే వెళ్లింది. ఎంతకీ తన మొబైల్ ఇవ్వకపోవడంతో అతడిపై పెప్పర్ స్ప్రే చేసి తన మొబైల్ తీసుకుంది. ఈ వీడియో ప్రస్తుతం సోషల్ మీడియాలో వైరల్ అవుతోంది.
Girl pepper sprays teacher because he took her phone pic.twitter.com/QPAz6c3l4G
— OnlyBangers.eth (@OnlyBangersEth) May 6, 2023
