ట్రేడింగ్ ఆప్షన్ ద్వారా గుజరాత్ టైటాన్స్ నుండి హార్థిక్ పాండ్యని ముంబై ఇండియన్స్ కొనుగోలు చేసిన విషయం తెలిసిందే. అయితే హర్డిక్ పాండ్య ని కెప్టెన్గా ప్రకటించిన నాటి నుండి అభిమానులు అసహనం వ్యక్తం చేస్తున్నారు.ఈ క్రమంలో ఐపీఎల్-2024 సీజన్ తర్వాత ముంబై ఇండియన్స్ జట్టును వీడాలని రోహిత్ శర్మ వీడనున్నాడని జాతీయ మీడియాలో వార్తలు చక్కర్లు కొడుతున్నాయి. హార్దిక్ కెప్టెన్సీపై రోహిత్ అసంతృప్తిగా ఉన్నారని ఓ ముంబై ఇండియన్స్ ప్లేయర్ చెప్పినట్లు పలు మీడియా కథనాలు పేర్కొంటున్నాయి. వచ్చే ఏడాది జరగనున్న మెగా ఆక్షన్లో హిట్ మ్యాన్ పాల్గొంటారని తెలిపాయి.
ఈ సీజన్ ముగిసిన అనంతరం ఫ్రాంచైజీలు తమ ఆటగాళ్లలో ముగ్గురు లేదా నలుగురిని మాత్రమే రిటైన్ చేసుకునే అవకాశం ఉంటుంది. ఈ జాబితాలో ముంబై తరఫున హార్దిక్ పాండ్య,జస్‌ప్రీత్ బుమ్రా, సూర్యకుమార్ యాదవ్ ఉండే అవకాశాలు ఉన్నాయి.అయితే ముంబై ఫ్రాంచైజీతో కొనసాగడానికి హిట్ మ్యాన్ ఇష్టపడకపోతే రోహిత్ స్థానంలో తిలక్ వర్మ లేదా విదేశీ ప్లేయర్‌ను అంటిపెట్టుకునే అవకాశం ఉందని వార్తలు వినిపిస్తున్నాయి.
