జీవితంలో కష్టం, సుఖం అనేది సాధారణం. ఒకసారి కష్టం ఉంటే మరొకసారి సుఖం ఉంటుంది. అవి రెండూ కలిస్తేనే జీవితం. అయితే చాలా మంది ఎక్కువ కష్టాలతో సతమతమవుతుంటారు. ప్రతి ఒక్కరూ ఒక విషయాన్ని గుర్తు పెట్టుకోవాలి అది ఏంటంటే మనం చేసే పనులే కష్టాలకి దారి తీస్తాయి.
అలా కష్టాలు సంభవించకుండా ఉండాలంటే వీటిని తప్పక గుర్తు పెట్టుకోవాలని చాణక్యనీతి చెబుతోంది. ఆచార్య చాణక్య కొన్ని ముఖ్యమైన విషయాలను చెప్పారు. మరి చాణిక్యనీతి చెబుతున్న ఆ విషయాలు ఏమిటనేది తెలుసుకుందాం. వీటిని అనుసరిస్తే తప్పకుండా కష్టాలు లేకుండా ఉండొచ్చు. కనీసం కష్టాలని తగ్గించడానికి అవుతుంది. మరి ఇక వాటికోసం చూసేద్దాం.
ముందు జాగ్రత్తతో ఉండడం:
ఏ పని చేసినా సరే ముందు జాగ్రత్త ఉండాలి. అన్ని నాకే తెలుసు అని మీరు పనిలోకి దిగిపోతే తప్ప కష్టాలు ఎదురవుతాయి గుర్తుపెట్టుకోండి.
ఆరోగ్యం ముఖ్యం:
ఆరోగ్యం అన్నిటికంటే చాలా ముఖ్యం. ఆరోగ్యం లేకపోతే ఏ పని చేయలేము. ఎక్కడ ఆరోగ్యం ఉండదో అక్కడ కష్టాలు ఉంటాయి అని తెలుసుకోండి. అందుకని ఆరోగ్యానికి ప్రాధాన్యత ఇవ్వండి.
సరైన దృష్టి ఉండటం:
సరైన దృష్టి ప్రతిఒక్కరికీ ఉండాలి. అలా ఉంటే భవిష్యత్తులో ఇబ్బందులు రావు. ఏ పని చేసినా సరైన దృష్టి పెట్టి చేస్తే కష్టాలు రాకుండా ఉంటాయి.
అబద్ధం చెప్పకండి:
సాధారణంగా ప్రతి ఒక్కరూ అబద్ధాలు చెబుతూ ఉంటారు. అయితే కొన్ని సందర్భాల్లో అబద్దాలు చెప్పాల్సి వస్తుంది. అయితే అదే పనిగా అబద్ధాలు చెబితే తప్పక కష్టాలు వస్తాయి. కాబట్టి ఈ విషయాలన్నీ గుర్తు పెట్టుకుంటే మంచిది లేదంటే కష్టాలు వస్తాయి.
