పశ్చిమగోదావరి జిల్లా 
నరసాపురం పర్యటనలో వివిధ అభివృద్ధి కార్యక్రమాల్లో పాల్గొన్న సీఎం జగన్మోహన్ రెడ్డి.. తెలుగుదేశం పార్టీపై ఫైర్ అయ్యారు. నరసాపురం లో AP ఫిషరీస్ యూనివర్సిటీ ఏర్పాటుతో ఈ ప్రాంత రూపురేఖలు మారతాయి..ఫిషరీస్ కి సంబంధించిన డిప్లొమా నుంచి పీజీ వరకు చదువుకునే అవకాశం వస్తుంది..తమిళనాడు, కేరళ తర్వాత ఏపీ లో మూడో ఆక్వా యూనివర్సిటీ ఏర్పాటు చేస్తున్నామని తెలిపారు సీఎం జగన్.
టిడిపిని తెలుగు బూతుల పార్టీగా మార్చేశారని, జనసేన ను రౌడీ సేనగా మార్చేసారని సీఎం జగన్ ధ్వజమెత్తారు. ‘గతంలో వాళ్ల పాలనను చూసి ఇదేం కర్మరా బాబు అని ప్రజలు అనుకున్నారు. అందుకే 2019లో చిత్తుగా ఓడించారు. సర్పంచ్, ఎంపీటీసీ ఎన్నికల్లోను బాబుకు బై బై చెప్పారు. కుప్పంలోనూ టిడిపిని చిత్తుగా ఓడించారు. ఈసారి కుప్పంలోనూ గెలవన అనే భయం చంద్రబాబులో స్పష్టంగా కనిపిస్తుంది’ అని జగన్ విమర్శించారు.
