బీసీసీ కార్యాలయాలపై ఇవాళ ఐటీ దాడులు జరగడం దేశవ్యాప్తంగా సంచలనం సృష్టించింది. దీనిపై రాష్ట్ర ఐటీ, పరిశ్రమలు, పురపాలక శాఖల మంత్రి కేటీఆర్ స్పందించారు. వాట్ ఏ సర్ప్రైజ్ అంటూ ట్వీట్ చేశారు. ప్రధాని మోదీపై డాక్యుమెంటరీ ప్రసారం చేసిన కొన్ని వారాలకే బీబీసీ ఇండియాపై ఐటీ దాడులు జరగడం బాధాకరమని తెలిపారు. “WHAT NEXT” అంటూ పేర్కొంటూనే.. అదానీ వ్యవహారంపై రిపోర్ట్ ఇచ్చిన హిండెన్ బర్గ్ సంస్థపై తదుపరి దాడులు ఉంటాయా..! అని ప్రశ్నించారు.
ఐటీ, సీబీఐ, ఈడీ లాంటి కేంద్ర సంస్థలు బీజేపీ చేతిలో కీలుబొమ్మలుగా మారాయని మంత్రి కేటీఆర్ ఆరోపించారు. దిల్లీ, ముంబయిలో ఉన్న బీబీసీ కార్యాలయాలపై ఐటీశాఖ దాడులు జరుగుతున్న నేపథ్యంలో ఆయన స్పందించారు.
అసలేం జరిగిందంటే.. దిల్లీ, ముంబయిలో ఉన్న బీబీసీ కార్యాలయాలపై ఆదాయపన్ను శాఖ అధికారులు దాడులు నిర్వహించింది. ఐటీ శాఖ డైరెక్టర్ జనరల్ ఈ మేరకు ఆదేశాలు ఇచ్చినట్లు సమాచారం. అయితే.. సర్వే మాత్రమే చేస్తున్నామని, సోదాలు చేయట్లేదని ఈడీ అధికారులు స్పష్టం చేశారు.
What a surprise!! 😁
A few weeks after they aired the documentary on Modi, BBC India now raided by IT
Agencies like IT, CBI and ED have become laughing stock for turning into BJP’s biggest puppets
What next? ED raids on Hindenberg or a hostile takeover attempt? pic.twitter.com/yaZ4ySw88f
— KTR (@KTRBRS) February 14, 2023
