వృద్ధాప్యంలో ఉన్న‌వారు నిజానికి చాలా మంది భారీ బ‌రువులు ఎత్త‌డం, వ్యాయామం గ‌ట్రా చేయ‌డం వంటి వాటికి దూరంగా ఉంటారు. ఎందుకులే రిస్క్ అని భావిస్తుంటారు. అయితే నిజానికి అది స‌రికాదు. ఎందుకంటే ఏ వ‌య‌స్సులో ఉన్న‌వారు అయినా స‌రే నిత్యం వ్యాయామం చేయాల్సిందే. అయితే ఆయన మాత్రం కేవ‌లం వ్యాయామంతోనే స‌రిపెట్ట‌లేదు. ఏకంగా భారీ బ‌రువును ఎత్తి ఔరా.. అనిపించాడు. అది కూడా 96 ఏళ్ల వ‌య‌స్సులో కావ‌డం విశేషం.
కెన‌డాలోని ప్రిన్స్ ఎడ్‌వ‌ర్డ్ ఐల్యాండ్‌లో నివాసం ఉండే డాక్ట‌ర్ బిల్ మేస‌న్ వ‌య‌స్సు 96 ఏళ్లు. ఇటీవ‌లే త‌న జన్మ‌దినాన్ని జ‌రుపుకున్నాడు. అయితే బ‌ర్త్ డే సంద‌ర్భంగా ఆయన అరుదైన ఫీట్ సాధించాడు. భారీ బ‌రువును ఎత్త‌డంతోపాటు పుష‌ప్స్, సిట‌ప్స్‌, పుల‌ప్స్ చేస్తూ, డంబెల్స్ మోస్తూ, 200 మీట‌ర్ రోను లాగుతూ ఒకే స‌మ‌యంలో క్రాస్ ఫిట్ వ్యాయామం చేశాడు. దీంతో ఆయన చేసిన వ్యాయామం తాలూకు వీడియో ప్ర‌స్తుతం సోష‌ల్ మీడియాలో వైరల్ అవుతోంది.
Dr. Bill Mason celebrated his 96th birthday this week by lifting weights. 96 AND CRUSHING IT!!
You have to check this out and read more about Bill here: https://t.co/CMRNaNosJH #PEI #PrinceEdwardIsland pic.twitter.com/9DSWFkKzpb
— CBC P.E.I. (@CBCPEI) October 23, 2020
View this post on Instagram
96 ఏళ్ల వ‌య‌స్సులో ఆయన భారీ బ‌రువు ఎత్త‌డంతోపాటు అలా క్రాస్‌ఫిట్ వ్యాయామం చేసినందుకు గాను నెటిజ‌న్లు ఆయ‌న‌ను అభినందిస్తున్నారు. ఈ వ‌య‌స్సులోనూ ఫిట్‌గా ఉండ‌డం కోసం ఆయన ప‌డుతున్న త‌ప‌న‌కు అంద‌రూ ఆయ‌న‌ను మెచ్చుకుంటున్నారు. అయితే నిజానికి ఆయ‌న‌కు 2 ఏళ్ల కింద‌ట స్ట్రోక్ వ‌చ్చింది. దీంతో అప్ప‌టి నుంచి ఫిట్‌నెస్‌పై దృష్టి పెట్టాడు. అలా ఇప్పుడు ఈ ఫీట్ సాధించాడు. అవును.. వృద్ధాప్యం అనేది కేవ‌లం వ‌య‌స్సుకే.. శ‌రీరానికి కాదు.. అని ఆయన నిరూపించాడు.. క‌దా..!
