డైలాగ్ కింగ్ మోహన్ బాబు కూతురు మంచులక్ష్మీ గురించి ప్రత్యేకంగా పరిచయం చేయాల్సిన అవసరం లేదు. అమెరికాలో థియేటర్ ఆర్ట్స్ పూర్తి చేసుకుని ఇండియాకి తిరిగొచ్చాక లక్ష్మీ టాక్ షో ద్వారా మంచి గుర్తింపు తెచ్చుకుంది. ఆ తర్వాత అనగనగా ఓ ధీరుడు, గుండెల్లో గోదారి వంటి సినిమాల్లో మెరిసింది. ఉన్నది ఉన్నట్టుగా మాట్లాడే మంచులక్ష్మీ ఫైర్ బ్రాండ్ అన్న సంగతి అందరికీ తెలుసు. సోషల్ మీడియాలో ఆక్టివ్ గా ఉండే మంచు లక్ష్మీ తాజాగా ఓ విషయాన్ని అందరితో పంచుకుంది.
మంచు లక్ష్మీ కూతురు విద్య నిర్వాన ప్రపంచ రికార్డుని క్రియేట్ చేసింది. నోబెల్ బుక్ ఆఫ్ రికార్డులో యంగెస్ట్ చెస్ ట్రైనర్ గా చోటు దక్కించుకుంది. ఆరేళ్ల విద్య నిర్వాణ ఈ రికార్డుని క్రియేట్ చేసింది.ఈ మేరకు అవార్డు ప్రతినిధి సర్టిఫికేట్ అందజేసారు. కూతురు రికార్డు క్రియేట్ చేయడంతో మంచు లక్ష్మీ ఆనందం వ్యక్తం చేసింది. పిల్లలని కేవలం చదువులోనే కాదు ఆటల్లోనూ ఆరితేరేలా చూడాలని తెలిపింది.
