తెలంగాణలో ఎమ్మెల్సీ అభ్యర్థుల ఖరారుపై ఉత్కంఠ కొనసాగుతోంది. ముఖ్యంగా అధికార టీఆర్ఎస్ పార్టీ తమ అభ్యర్థుల పేర్లను ఇంకా ప్రకటించలేదు. ఈ రోజు సాయంత్రం వరకు అభ్యర్థుల పేర్లు ఖరారు అయ్యే అవకాశం ఉందని తెలుస్తోంది. రేపే నామినేషన్లకు చివరి రోజు కావడంతో దీంతో అటు సిట్టింగ్స్.. ఇటు ఆశావహుల్లో టెన్షన్ నెలకొంది.
తాజాగా సీఎం కేసీఆర్ పార్టీ ముఖ్య నేతలతో సమావేశమయ్యారు. ఎమ్మెల్యే కోటాలో ఖాళీగా ఉన్న ఆరు స్థానాల ఎమ్మెల్సీ అభ్యర్థులను ఖరారు చేసే విషయంలో కసరత్తు చేస్తున్నారని సమాచారం. అయితే గులాబీ బాస్ ఇప్పటికే అభ్యర్థుల ఎంపిక కసరత్తు పూర్తి చేశారని, నామినేషన్ పత్రాలు కూడా సిద్ధం చేసినట్లు సమాచారం. మధుసూదనాచారి, పాడి కౌశిక్ రెడ్డి, ఎంసి కోటిరెడ్డి, తక్కళ్ళపల్లి రవీందర్ రావు, ఎల్.రమణ, కడియం లేదా ఎర్రోళ్ల శ్రీనివాస్ పేర్లు ఫైనల్ జాబితాలో ఉండే అవకామున్నట్లు సమాచారం.
