జమ్ము కశ్మీర్ ఎన్నికలపై కేంద్ర ప్రభుత్వం కీలక వ్యాఖ్యలు చేసింది. జమ్ము కశ్మీర్లో ఏ క్షణమైనా ఎన్నికలు నిర్వహించే అవకాశాలు ఉన్నాయని ఎన్డీఏ సర్కార్.. సుప్రీం కోర్టుకు తెలిపింది. ఎన్నికల నిర్వహణ అంశం పూర్తిగా కేంద్ర ఎన్నికల సంఘం, రాష్ట్ర ఎన్నికల సంఘంపైనే ఆధారపడి ఉందని వెల్లడించింది. ఈ మేరకు సొలిసిటర్ జనరల్ తుషార్ మెహతా సుప్రీం కోర్టుకు తెలియజేశారు.
జమ్ము కశ్మీర్లో మూడు దశల్లో ఎన్నికలు నిర్వహిస్తామని తుషార్ మెహతా సుప్రీం కోర్టుకు వివరించారు. తొలుత పంచాయతీ స్థాయిలో ఎన్నికలు.. ఆ తర్వాత మున్సిపల్ ఎన్నికలు .. వాటి అనంతరం అసెంబ్లీ ఎన్నికలు నిర్వహిస్తామని స్పష్టం చేశారు. అంతకుముందు అధికరణ 370 రద్దుపై సుప్రీం కోర్టులో దాఖలైన పిటిషన్లపై కేంద్రం తరఫున సొలిసిటర్ జనరల్ వాదనలు వినిపించారు. జమ్ముకశ్మీర్, లద్ధాఖ్కు కేంద్ర పాలిత హోదా శాశ్వతం కాదని.. దీనిపై పూర్తి వివరాలతో గురువారం (2023 ఆగస్టు 31) వివరణాత్మక ప్రకటన చేస్తామని అత్యున్నత న్యాయస్థానానికి కేంద్ర ప్రభుత్వం నివేదించింది.
