దేశవ్యాప్తంగా జరగనున్న సార్వత్రిక ఎన్నికలకు కేంద్ర ఎన్నికల సంఘం మార్చి 16వ తేదీన నోటిఫికేషన్ విడుదల చేసింది. ఆ మరుక్షణం నుంచే దేశవ్యాప్తంగా ఎన్నికల కోడ్ అమలులోకి వచ్చింది. ఆ తర్వాత ఎన్నికల షెడ్యూల్ కూడా విడుదలైంది. ఇలా ఏడో విడతల్లో పోలింగ్ జరిగింది జూన్ 4వ తేదీన ఓట్ల లెక్కింపు ఫలితాలు విడుదలయ్యాయి. ఈ నేపథ్యంలో ఇవాళ్టితో సార్వత్రిక ఎన్నికల కోడ్ ముగియనుంది.
అన్ని రాష్ట్రాల్లో, దేశవ్యాప్తంగా ఈ ఎన్నికల నియమావళి ఇప్పటితో ముగియనుంది. ఈరోజు (జూన్ 5వ తేదీ) కేంద్ర ఎన్నికల సంఘం అధికారికంగా కోడ్ను ఎత్తివేస్తూ నిర్ణయం తీసుకోనుంది. ఇక కోడ్ ఎత్తివేసిన తర్వాత అన్ని రకాల ప్రభుత్వ కార్యక్రమాలు నిర్వహించుకోవచ్చన్న విషయం తెలిసిందే. 2024 సార్వత్రిక ఎన్నికల ఫలితాల సంగతికి వస్తే ఈ ఎన్నికల్లో మరోసారి బీజేపీ విజయకేతనం ఎగురవేసింది. ఈ పార్టీ సొంతంగా 240, తన మిత్ర పక్షాలతో కలిసి 293 సీట్లు గెలుచుకుంది. ప్రతిపక్ష ఇండియా కూటమి 233 స్థానాల్లో విజయం సాధించింది.
