ఒడిశా రైలు ప్రమాదం పై దిగ్భ్రాంతి వ్యక్తం చేశారు ప్రజాశాంతి పార్టీ అధ్యక్షుడు కేఏ పాల్. రైలు ప్రమాద ఘటన చాలా దురదృష్టకరమని అన్నారు. వందలాదిమంది చనిపోవడం బాధాకరమని ఆవేదన వ్యక్తం చేశారు. ఈ ప్రమాదానికి బాధ్యత వహిస్తూ నరేంద్ర మోదీ ప్రధాని పదవికి రాజీనామా చేయాలని డిమాండ్ చేశారు. రైల్వే శాఖ మంత్రి ఎవరో ఎవరికీ తెలియదని అన్నారు.
అన్ని శాఖలను మోడీ తన గుప్పిట్లో పెట్టుకున్నాడని.. కాబట్టి ఈ ఘటనకు ఆయనే బాధ్యుడని అన్నారు. బాధ్యులైన అధికారులందరినీ విధుల నుంచి తొలగించాలని డిమాండ్ చేశారు. గత 40 సంవత్సరాలలో ప్రపంచంలో ఇంత ఘోర ప్రమాదం ఎక్కడా జరగలేదన్నారు కేఏ పాల్. మృతుల కుటుంబాలకు ఆయన ప్రగాఢ సానుభూతిని తెలియజేశారు.
