మహారాష్ట్రలోని ఛత్రపతి శంబాజీనగర్లో సమృద్ధి ఎక్స్ప్రెస్వే పై జంబార్ టోల్బూత్ సమీపంలో శనివారం అర్ధరాత్రి ఘోర ప్రమాదం జరిగింది. ఈ ఘటనలో 12 మంది దుర్మరణం చెందారు. ట్రావెలర్ బస్సు-ట్రక్కు ఢీకొన్న ఘటనలో మృతి చెందిన 12 మందిలో నాలుగు నెలల చిన్నారి కూడా ఉంది. సమాచారం అందుకున్న పోలీసులు ఘటనాస్థలికి చేరుకున్నారు. మృతదేహాలను స్థానిక ప్రభుత్వాస్పత్రికి తరలించారు. వీరంతా సైలాని బాబా దర్శనం చేసుకుని తిరిగి వస్తుండగా ప్రమాదం జరిగినట్లు పోలీసులు తెలిపారు. ప్రమాద సమయంలో బస్సులో 20 మంది యాత్రికులు ఉన్నారని.. 12మంది చనిపోగా మిగతా వారు తీవ్రంగా గాయపడినట్లు వెల్లడించారు.
నాశిక్ జిల్లాలోని ఇందిరానగర్కు చెందిన యాత్రికులు బుల్దానాలోని సైలానీ బాబా దర్శనానికి వెళ్లి.. శనివారం రాత్రి తిరుగు పయనమయ్యారు. ఈ క్రమంలో శనివారం అర్ధరాత్రి సమృద్ధి ఎక్స్ప్రెస్ వేపై వద్దకు రాగానే జంబూర్ టోల్బూత్ సమీపంలో వారు వస్తున్న ట్రావెలర్ బస్.. ట్రక్కును వేగంగా వచ్చి ఢీ కొట్టింది. ప్రమాద శబ్దాలు విన్న స్థానికులు.. ఘటనా స్థలానికి వెళ్లి సహాయక చర్యలు చేపట్టారు.
